Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Sofja – me buxhet “të gjelbër” prej 884 mln eurosh për vitin 2020

Foto: ADonsky / iStock

Këshilli Bashkiak i Sofjes miratoi buxhetin e radhës të madh vjetor për kryeqytetin e Bullgarisë. Që të bëjmë krahasim le të përmendim se qyteti i dytë për nga madhësia në vend Plovdiv është me buxhet prej rreth 175 mln eurosh. Kjo do të thotë se Sofja është jo vetëm qyteti më i madh, por edhe qyteti më i fuqishëm në plan ekonomik dhe financiar në Bullgari. Atje banojnë rreth 1.2 mln veta dhe punojnë mbi 700 000 veta, të cilët krijojnë rreth 40 për qind të Produktit të Brendshëm Bruto në vend.

Pjesa më e madhe e mjeteve të buxhetit u është drejtuar dy prioriteteve strategjike, mbi të cilat duhet të punohet gjatë 4 viteve në vijim – investimet në lagje (rrugët, trotuaret, kopshtet e fëmijëve, shkollat dhe transporti urban) dhe përmirësimi i pastërtisë së ajrit. Një vëmendje e posaçme u është kushtuar veprimtarive të lidhura me shëndetësinë, kulturën, arsimin dhe sigurinë. Modernizimi i transportit urban dhe i infrastrukturës së tij vazhdon të jetë prioritet i bashkisë. Mbi 87 mln euro janë mjetet e parashikuara në buxhetin e Bashkisë së Sofjes për modernizimin e infrastrukturës rrugore dhe mbi 69 mln euro për përmirësimin e transportit urban. Dhe kjo nuk është e rastit, sepse ai konsiderohet si një prej ndotësve më të mëdhenj të ajrit. Në këtë sfond 14 mln eurot për gjelbërim duken mjaftë modeste. Mirëpo, ka mendim se linja e tretë e metrosë në Sofje, e cila duhet të hapet gjatë muajve të afërt, gjithashtu do të ketë një ndikim pozitiv mbi pastërtinë e ajrit, sepse do të pakësojë udhëtimet me automjete në qytet.

Sofja, megjithë moton e vet “Rritet, por nuk plaket” është një qytet me popullsi në plakje. Përqendrimi i njerëzve të rinj në kryeqytet është shumë i madh në krahasim me qytetet e tjera të Bullgarisë, për shkak të universiteteve dhe mundësive për punë. Sidoqoftë, problem demografik ka dhe autoritetet në qytet janë të qartë dhe të vendosur për ta ndryshuar tendencën duke krijuar kushte më të mira për të rinjtë dhe familjet e tyre. Prandaj mbi 30 mln euro nga buxheti i Bashkisë së Kryeqytetit për vitin 2020 do të investohen në ndërtimin e kopshteve të fëmijëve, çerdheve, shkollave dhe në remontet e tyre. Me mjetet e bashkisë do të ndërtohen 9 kopshte fëmijësh, 2 çerdhe dhe 6 shkolla. Ka gjithashtu projekte për ndërtimin e akoma 4 shkollave dhe 7 kopshteve me vlerë mbi 20 mlrd euro.

Duam të zgjidhim dy probleme. Në programin e kapitalit të mbrojmë më shumë mjete për investime në lagje – në rrugët e lagjes, në trotuare, parkingje, kopshte fëmijësh, shkolla. Të vazhdojmë përmirësimin e transportit urban, të garantojmë investimet në ekologji për përmirësimin e cilësisë së ajrit, për rimëkëmbjen e parqeve, të kopshteve të fëmijëve, për pyllëzimin” – tha kryetarja e bashkisë së Sofjes në mandat të katërt Jordanka Fandëkova.

Sofja mund të mos jetë qyteti më i bukur në Evropë, ose në Bullgari, por me siguri është i preferuar nga bullgarët, tashmë edhe nga mjaftë të huaj. Dhe kjo është kështu jo vetëm për shkaqe ekonomike, por edhe për shkak të pasurisë së ruajtur të gjelbër të qytetit, i cili ndodhet buzë malit të bukur Vitosha. Kjo veçori bashkë me faktin se Sofja është një qendër kulturore, administrative dhe artistike e vendit, e bën tërheqëse për punë dhe jetë.

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Vetëm 8% e bullgarëve investojnë, 24% kursejnë

Vetëm 8% e bullgarëve investojnë, krahasuar me një mesatare prej 24% për Bashkimin Evropian, dhe vetëm 24% kursejnë para, sipas një sondazhi të agjencisë sociologjike "Trend", të kryer me porosi të Finance Academy midis 1005 qytetarëve të rritur në..

botuar më 25-01-29 3.40.MD

BNB pret që Bullgaria të përmbushë kriterin e stabilitetit të çmimeve për eurozonën

Bullgaria mund të përmbushë kriterin e konvergjencës për stabilitetin e çmimeve, i kërkuar për anëtarësimin në eurozonë, që në janar 2025 dhe të vazhdojë ta zbatojë atë për pjesën tjetër të vitit. Këtë e parashikon Banka Kombëtare Bullgare (BNB) në..

botuar më 25-01-29 1.51.MD

Hapet zyrtarisht Dhoma e Tregtisë Bullgari-Shqipëri

Ditën e sotme, më datën 27 janar 2025, u zhvillua ceremonia e hapjes së Dhomës së Tregtisë Bullgari-Shqipëri. Kjo është një iniciativë e përbashkët e Ambasadës së Republikës së Shqipërisë në Sofje, z. Ivan Anchev, themelues i Arkadia Solution Ltd dhe..

botuar më 25-01-27 9.05.MD