Ministria e Punëve të Brendshme (MPB) po ndjek gjendjen në vend për shkak të Marshit Llukov, që duhet të zhvillohet të shtunën në Sofje, tha Ministri i Punëve të Brendshme Mlladen Marinov. Kryetarja e Bashkisë së Sofjes Jordanka Fandëkova ndaloi me urdhër zhvillimin e Marshit Llukov. Fandëkova pret që policia dhe shërbimet të kujdesen për rendin publik. MPB-ja është kategorike se do të zbatojë urdhrin e Kryetares së Bashkisë. Jemi në kontakt me partnerët tanë jashtë shtetit. Ata po zhvillojnë kontroll, tha Ministri Marinov me rastin e pritjeve që organizatorët e Bashkimit Kombëtar Bullgar të përkrahen edhe nga ekstremistët jashtë. Po zhvillohet hetim kundër organizatorëve të marshit, ndërsa prokuroria kërkoi që gjyqi të mbyllë Bashkimin Kombëtar Bullgar.