Më 5 maj mbushen 180 vjet nga lindja e Ekzarkut Josif – ekzarku i parë bullgar pas Çlirimit të Bullgarisë i cili qëndroi në krye të Kishës Ortodokse Bullgare në vazhdim të 38 viteve. Ai lindi më 5 maj të vitit 1840 në qytetin Kallofer me emrin laik Llazar Jovçev. Mbaroi arsimin në Stamboll dhe vazhdoi studimet e letërsisë dhe drejtësisë në Universitetin e Parisit Sorbonne. Në vitin 1872 u shugurua murg me emrin Josif. Në vitin 1877 kur filloi Lufta çlirimtare Ruso Turke u zgjodh ekzark i Bullgarisë.

Ekzarku Josif I inauguroi një Seminar në Stamboll, bënte përpjekje për ndërtimin e kishave, për krijimin e shkollave, për përcjelljen e të rinjve të talentuar për të mësuar jashtë shtetit. Në vitin 1902 u zgjodh anëtar nderi i Shoqatës Letrare Bullgare, e cila më vonë u shndërrua në Akademinë e Shkencave Bullgare.