Në një konferencë të Organizatës Ndërkombëtare të Punës Kristalina Georgieva, drejtoresha e Fondit Monetar Ndërkiombëtar bëri thirrje që sot politikanët të drejtojnë përpjekjet e tyre ndaj rimëkëmbjes afatgjatë ma karbon të ulët – diçka që do të krijojë kushte për miliona vende të reja pune. Sipas fjalëve të saj kjo do të ndihmojë dhe për shmangien e krizës klimatike, e cila kërcënon arritjet e rëndësishme të zhvillimit tonë gjatë viteve të fundit.

Sipas parashikimeve të Fondit Monetar Ndërkombëtar recesioni do të jetë akoma më i thellë se sa pritej në fillimin e krizës. Sivjet Produkti Botëror Bruto do të tkurret 4,9% dhe humbja në PBB-në globale do të jetë me vlerë 12 trilionë dollarë deri në fund të 2021-ës.