Nga GERB bënë të ditur për BNR-në se Kryeministri Bojko Borisov është takuar me ministra të rëndësishëm, me të cilët janë shqyrtuar tri variante për dalje nga kriza.

Sipas variantit të parë qeveria duhet të japë dorëheqje, të formohet kabinet teknik dhe të ketë zgjedhje të parakohshme. Varianti është vlerësuar si i rrezikshëm për projektet e mëdha energjetike të vendit.

Sipas variantit të dytë duhet të formohet një qeveri e përkohshme prej ekspertësh për përfundimin e mandatit, me kryeministër dhe ministra të rinj, pas votës së mosbesimit javën tjetër.

Varianti i tretë parashikon ndërrim të të gjithë ministrave, dalja e kryeministrit me leje deri në fund të mandatit dhe zbatimin e detyrës së kryeministrit nga zëvendëskryeministri, një variant i cili gjithashtu vlerësohet si i rrezikshëm.