Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Fillimi i sezonit dimëror në Pamporovo shtyhet deri më 21 dhjetor. Tani për tani!

Foto: pamporovo.me

Vendpushimi Pamporovo gëzon një klientelë relativisht modeste, pavarësisht nga bllokimi i pjesshëm dhe restorantet, spa qendrat, pishinat e mbyllura. Në këtë vendpushim të strukur në malin Rodopa nuk punojnë ski-pistat dhe teleferikët. Gjithsesi, disa nga hotelierët presin turistë për fundjavë, të tërhequr nga dëbora e parë. Këta janë kryesisht bullgarë, të cilët vijnë për të marrë një çik ajër të pastër dhe të shëtisin nëpër rrugicat e shtigjet e malit Rodopa. Kurse kureshtjet natyrore përreth ka sa të duash!

Një kontroll nga ana e Radio Bullgarisë  saktësoi se, vendpushimi ka një gatishmëri të plotë që të fillojë zyrtarisht  ski sezoni më 21 dhjetor, pas revokimit eventual  të urdhrit të ministrit të shëndetësisë, në lidhje me masat sa i përket shpërndarjes së Covid-19.  

Përpara ca kohe Marian Beljakov, drejtor ekzekutiv i Shoqërisë Aksionare “Pamporovo”, deklaroi përpara mediave se pavarësisht nga humbjet e mëdha për shkak të epidemisë dhe masat kufizuese, gjatë muajve të fundit në vendpushim janë investuar para të konsiderueshme  për garantimin e parrezikshmërisë së miqve. “Një nga masat në këtë drejtim është përfshirja e një sistemi të posaçëm për blerjen përmes internetit të kartave për teleferikun” - deklaroi përpara reporterit tonë përfaqësues i degës së marketingut të vendpushimit.

Skiatorët  do të marrin karta të gatshme në internet të paguara paraprakisht përmes të ashtuquajturës pick-up pajisje, të vendosur afër ski-pistave. Në këtë mënyrë, nga menaxhimi i njërit prej vendpushimeve tona më të njohura të skive shpresojnë që të mund të pakësojnë radhët e zakonshme përpara arkave dhe grumbullimin e madh të njerëzve rreth teleferikëve  gjatë kësaj kohe të vitit.

Kryesisht bullgarë pritet që të pushojnë në hotelet vendase gjatë muajve të ardhshëm. Ka dhe rezervime nga jashtë, por për shkak të pasigurisë rreth pandemisë, nga departamenti i marketingut nuk dëshiruan të saktësojnë se nga cilat shtete do të presin turistë. Për festat hotelierët vendas propozojnë dhe ofrojnë zbritje të paketave.

Por, tani për tani sezoni është nën pikëpyetje dhe vetëm bora dhe peizazhet e bukura të malit Rodopa janë në gjendje të tërheqin në Pamporovo ata turistë të cilët dëshirojnë të pushojnë mes natyrës me dëborë.  

Përgatiti në shqip: Nataniela Vasileva

Foto: pamporovo.me, BGNES, Millena Dimitrova


Последвайте ни и в Google News Showcase, за да научите най-важното от деня!

Më shumë nga rubrika

Bellosllav, vendi ku lind qelqi – tradita, muzeu dhe arti i gjallë

Muzeu i vetëm i Qelqit në Bullgari ndodhet në qytetin Bellosllav, në bregun e njërës prej mëngëve të liqenit Varna. Pikërisht në këtë vend, në vitin 1893, vëllezërit Mushallan hodhën themelet e prodhimit bullgar të qelqit, duke krijuar fabrikën e parë..

botuar më 25-04-27 10.40.PD

Turizmi i verës në Bullgari ka potencial si ai në Francë, Itali dhe Spanjë

Anelija Hristova - një eksperte e certifikuar e verës dhe udhërrëfyese turistike, anëtare e Shoqatës Bullgare të Profesionistëve të Verës, i tha BTA për nevojën për të paraqitur dhe ekspozuar më shumë varietete vendase bullgare . Në këtë drejtim, një..

botuar më 25-04-27 7.55.PD

Sofja rekomandohet si destinacioni më i mirë evropian për turizmin pranveror

Udhëtarët që planifikojnë një pushim pranveror mund të marrin në konsideratë Sofjen, e cila është kryeqyteti më i mirë evropian për udhëtime këtë sezon, shkruan botimi në gjuhën rumune Newsweek (newsweek.ro), duke cituar faqen e internetit..

botuar më 25-04-22 10.25.PD