Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Njerëzit me zemër të mirë i bëjnë realitet ëndrrat e Krishtlindjeve të fëmijëve në nevojë

Fëmijët nga Qendra për Përkrahje Speciale Arsimore në qytetin Kubrat do të marrin dhe sivjet peshqeshin e ëndërruar me rastin e Krishtlindjeve. Kjo do të realizohet  në sajë të fushatës “Snezhinka” (Flok Dëbore), organizuar nga studentja zemërbardhë Merlin Mehmedova. Për vit të pastë të radhës ajo është angazhuar përmes një ngjarjeje të bamirësisë t’u dhurojë buzëqeshje dhe shpresë fëmijëve në një pozitë të pabarabartë.

“I lutëm fëmijët të shkruajnë letra deri tek Babagjyshi i Krishtlindjes, që të mund të kuptojmë dëshirat e tyre. Bëmë listë dhe çdo një,  i cili kishte dëshirë dhe një zemër bujare, ndihmoi, që  të mund të realizohet ëndrra e çdo një prej tyre. Kështu, përsëri vullnetarët, të cilët kanë siguruar peshqeshet e porositura nga vogëlushët, dëshmuan se e mira nuk ka fe, gjini dhe moshë”, sqaroi Merlin. Sipas fjalëve të saj fushata ka takuar përkrahjen e dhjetëra njerëzve, të cilët kanë shfaqur dëshirë të sigurojnë peshqesh për një fëmijë konkret. “Dhe sivjet, në sajë të vullnetarëve që të gjithë pjesëmarrësit e qendrës do të kenë një festë të paharruar dhe magjepsëse”, komenton Mehmedova.

Fëmijët, të cilët tanimë me një padurim të madh presin Babagjyshin e Krishtlindjes janë përgjithësisht 74. Në letrat e tyre ata kenë kërkuar lodra, rroba dimri dhe këpucë. Mjerisht, sivjet për shkak të situatës me koronavirusin nuk do të ketë një festë të madhe, por plaku i mirë me mjekër të bardhë do të gjejë një mënyrë të përshtatshme që të mund të gëzojë vogëlushët.

“Fëmijët janë dhurata më e mrekullueshme në këtë botë. Ata janë si dëbora - të pastër dhe unikë. Ne duam që të paktën për një moment ata të mund të ndihen të lumtur, të mund t’u sigurojmë një buzëqeshje dhe shpresë. Nuk mund të ndryshojmë të gjithë botën, por mund të ndryshojmë Krishtlindjen e të paktën një fëmijeje”, tha Merlin dhe shprehu shpresën që mirësia të bëhet ngjitëse dhe me çdo vit të kaluar të mund të ketë gjithnjë e më shumë fëmijë të kënaqur dhe të gëzuar.

Përgatiti në shqip: Nataniela Vasileva

Foto: arkiv personal




Последвайте ни и в Google News Showcase, за да научите най-важното от деня!

Më shumë nga rubrika

Për 80 vjet, martesa civile është e vetmja formë e vlefshme martese në Bullgari

80 vjet më parë, më 12 maj 1945, në Gazetën Shtetërore u shpall një Urdhëresë-Ligj mbi Martesën, e cila hyri në fuqi më 27 maj 1945. Me miratimin e saj, martesa e detyrueshme civile vendoset si forma e vetme e vlefshme e martesës. Në ditën që hyri në..

botuar më 25-05-12 3.26.MD

Karnavali i Gabrovos na tërheq me një program të pasur dhe provokime të shumta

Nga 12 deri më 18 maj qyteti i Gabrovos sërish do të shndërrohet në skenë emocionesh e krijimtarie me karnavalin e vet tradicional plot ngjyra, humor e shaka. Sivjet festa e zhurmshme përkon me 165-vjetorin e themelimit të qytetit dhe me ditën zyrtare..

botuar më 25-05-11 8.00.PD

Platforma e Qendrës Shkencore Kirill dhe Metodij rrit nivelin e arsimit nëpër shkolla

Një platformë elektronike arsimore, e zhvilluar nga shkencëtarë në Qendrën Shkencore Kirill dhe Metodij pranë Akademisë Bullgare të Shkencave, lehtëson përfshirjen e qasjes shkencore në arsimin e mesëm. Informacioni është falas për të gjithë të..

botuar më 25-05-11 7.30.PD