Pothuajse një vit Bullgaria ndodhet në një situatë të jashtëzakonshme epidemiologjike, e cila ndikon jo vetëm mbi mënyrën në të cilën ne komunikojmë midis nesh, por dhe mbi zakonet tona lidhur me punën. Më shumë se 50% nga bullgarët punojnë nga shtëpia e vet që nga fillimi i pandemisë. Rreth 63% nga punëdhënësit kanë futur kushte fleksibile të punës dhe mendojnë t’i ruajnë dhe pasi të kalojë pandemia.

“Në një plan afatshkurtër puna nga shtëpia është një zgjedhje e shkëlqyer, i kursen para punëdhënësit dhe ka anë të shumta pozitive”, thotë Gjeorgji Përvanov ekspert me një përvojë 27 vjeçare në fushën e burimeve njerëzore. Por, përpara se të lirojmë që të gjitha zyrat, duhet t’u kushtojmë vëmendje negativave në një plan afatshkurtër dhe afatgjatë, shënon ai. E pikërisht: nuk ka sesi të zhvillosh një ekip të bashkuar në distancë, humbet komunikimi dhe informacioni.

Një nga rreziqet më të mëdha del shkelja e kufirit midis jetës personale dhe punës. Në botën digjitale duhet vet të mësohemi të ruajmë kohën tonë personale nga angazhimet zyrtare, por pa i lënë pas dore në kohën e cila na është caktuar për punë, këshillon Maria Minçeva nga Dhoma e Tregtisë në një intervistë për Radion Kombëtare Bullgare. Sipas saj ne tani do të fillojmë të ndiejmë domosdoshmërinë prej rregulloreve të reja dhe formimin e kulturës së “përjashtimit nga puna”, që të mund të mbrohet koha personale e nëpunësve.  

Përpiloi: Vesella Krësteva

Përgatiti në shqip: Nataniela Vasileva