Organizata Ndërkombëtare për Trajtimin Human të Kafshëve Animals Angels, nga Gjermania, paraqiti një ankesë në Komisionin Evropian për trajtimin çnjerëzor të kafshëve në Bullgari, njoftoi BTA.

Sipas Animals Angels, Bullgaria shkel sistematikisht legjislacionin e BE për trajtimin e kafshëve, veçanërisht në transport. Organizata i bën thirrje Brukselit të fillojë procedurat e moszbatimit të detyrimeve kundër Sofjes.

Ambientalistët thonë se kafshët janë ngarkuar në automjete të pa mirëmbajtura dhe të ndotura rëndë. Transportohen kafshë të sëmura dhe të dëmtuara, si dhe shumë më tepër sesa numri i lejuar. Kafshët gjithashtu u keqtrajtuan për t'i futur me forcë në automjete.