Gjysma e rretheve të vendit tanimë hyjnë në zonat e kuqe

Me 24% janë rritur rastet e koronavirusit gjatë kësaj jave në krahasim me shtatë ditët e mëparshme  dhe gjysma e rretheve të vendit tanimë hyjnë në zonat e kuqe, njoftoi gjenerali Vencisllav Mutafçijski, shef i Shtabit Operativ Kombëtar. Derisa gjatë javës së kaluar të sëmurët kanë qenë 139 në 100 mijë, gjatë kësaj jave vlerat janë 173 në 100 mijë. Numri i rasteve të vdekjes është pakësuar me 9% dhe në këtë moment ato janë 7,3%. Akoma po vihet re një rritje e ngadaltë e të porsa infektuarve, nënvizoi gjenerali Mutafçijski. Tani për tani varianti afrikanojugor dhe brazilian i Covid-19 nuk janë gjetur në Bullgari.  

Informacion aktual për përhapjen e koronavirusit në Bullgari mund të lexoni KËTU:

Ka vonesë në imunizimin kundër Covid-19

Në një mbledhje pune me inspektoratet shëndetësore rajoneve në Bullgarinë Veriperëndimore Ministri i Shëndetësisë Kostadin Angellov theksoi se ka vonesë në ritmin e vaksinimit kundër koronavirusit.

Ministri pranoi se vaksinimi kundër Covid-19 ecën me ritme jo të mira, gjë për të cilën fajtor është mosbesimi i shtetasve në institucionet dhe në sistemin shëndetësor. Ministria e Shëndetësisë po diskuton propozimin e shtabit të vaksinimit për përshpejtimin e procesit të imunizimit. Ideja është që të përfshihen në proces këta që janë planifikuar për fazën tjetër të planit të vaksinimit, njoftoi BTA.

Pandemia ndryshoi jetën e gjysmës së bullgarëve

Çdo bullgar i dytë beson se pandemia e Covid-19 ndryshoi jo vetëm aspekte të caktuara të jetës së përditshme, por të gjithë mënyrën tonë të jetesës. Këtë e tregon një sondazh përfaqësues i agjencisë “Alpha Research”.

Më shumë se 1/3 e njerëzve përjetojnë shqetësime psikologjike dhe emocionale për shkak të kontaktit të kufizuar me të dashurit, të frikës nga virusi, të transformimeve serioze në mënyrën e tyre normale të jetës dhe të punës.

Për 1/4 kryesisht banorët e fshatrave ku kontaktet shoqërore janë të kufizuara, pandemia nuk shkaktoi ndryshime të rëndësishme.

Një nga fushat me ndryshimet më të mëdha si rezultat i pandemisë është arsimi. 61.6 për qind të anketuarve e aprovojnë kthimin gradual të nxënësve më të mëdhenj në klasë, dhe te prindërit e nxënësve, miratimi është 78 për qind.

Nxënësit në klasën e 5-të, të 10-të dhe të 11-të kthehen në dhomat e klasës

Nga sot deri më 2 mars, rikthehet trajnimi ballë për ballë i nxënësve nga klasa 5, 10 dhe 11, nxënësit nga faza fillestare gjithashtu mbeten në klasa. Gjatë kësaj kohe, klasat e tjera të shkollës së mesme dhe të gjimnazeve - klasat 6, 7, 8, 9 dhe 12, do të mësohen në distancë. Kjo u përcaktua me një urdhër të Ministrit të Arsimit dhe Shkencës Krasimir Vallçev nga 29 janari 2021.

Gati 11 për qind e 11 545 testeve të kryera janë pozitive

1246 janë rastet e reja të koronavirusit në vend me 11 545 teste. Gati 11 për qind e mostrave janë pozitive, sipas Portalit të Unifikuar të Informacionit. Shumica janë të infektuar rishtazi në qytetin e Sofjes - 369. Të ndjekur nga rrethet e qyteteve Burgas - 137 dhe Plovdiv - 72.

Rastet aktive janë 24 710. Infeksionet e konfirmuara që nga fillimi i pandemisë në vend janë gjithsej 233 342.

Në spital trajtohen 3613 pacientë, prej tyre 296 janë në njësitë e kujdesit intensiv.

564 persona u shëruan gjatë 24 orëve të fundit. Numri i përgjithshëm i njerëzve të rikuperuar deri më tani është 198 888. Në 24 orët e fundit, 41 njerëz vdiqën me koronavirus të konfirmuar, duke e çuar numrin e përgjithshëm në 9444.

Dozat e vaksinave të administruara deri më tani janë 85 920, nga të cilat 4582 për 24 orët e fundit.

1.5 milion bullgarë u kontaktuan tashmë me koronavirusin

1/3 e bullgarëve të rritur ndoshta kanë vuajtur tashmë nga Covid-19, sipas një sondazhi të Gallup International Balkan të kryer me metodën “ballë për ballë”. Te 10 për qind e të infektuarve, sëmundja ishte e rëndë, e cila korrespondon me të dhënat zyrtare mjekësore, njoftoi BGNES.

Njerëzit në moshë më të re në Sofje dhe në qytetet më të mëdha vuajtën më së shumti. Përqindja më e ulët e të sëmurëve është tek të moshuarit mbi 65 vjeç dhe në zonat rurale.

27 për qind thonë se do të vaksinohen. 48 për qind - refuzojnë, dhe këta janë kryesisht të rinj nga Sofja dhe qytetet e mëdha. 1/4 hezitojnë. 1 për qind thonë se tashmë u vaksinuan, gjë që është në përputhje me statistikat zyrtare.

Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.

Përpilues: Diana Cankova dhe Ekipi “Lajme”

Përgatiti në shqip: Svetllana Dimitrova