Me urdhër të Zëvendës Kryeministres dhe Ministre të Punëve të Jashtme Ekaterina Zaharieva, i ngarkuari me postin ambasador i Maqedonisë së Veriut në Sofje, Vlladimir Krëstevski, u thirr për një bisedë në Ministrinë e Punëve të Jashtme, njoftoi qendra e shtypit pranë ministrisë. Arsyeja për këtë u bë shfaqja e shpeshtë e gjuhës së urrejtjes dhe diskriminimit në Maqedoninë e Veriut nga zyrtarët kundër qytetarëve të vendit, që deklarojnë identitetin bullgar.

Pala bullgare gjithashtu shprehu hutim dhe zhgënjim për fushatën negative në shkallë të gjerë në Maqedoninë e Veriut kundër përfaqësuesit të Shkupit në Konkursin Muzikor “Eurovision 2021” Vasill Garvanliev, i cili tha në një intervistë se ai gjithashtu ndihet bullgar, dhe në videon e tij për “Eurovision” shihet trengjyrëshin bullgar.

Bullgaria do të vazhdojë të bëjë të gjitha përpjekjet e nevojshme në përputhje me parimet e së drejtës ndërkombëtare për të mbrojtur të drejtat e qytetarëve bullgarë dhe shtetasve me identitet bullgar, kudo në botë, theksojnë nga ministria.