Në kalendarin kulturor dhe historik bullgar, 26 marsi shënohet si Dita e Trakisë. Që nga viti 1914 këtë ditë respektohej kujtimi i ushtarëve që ranë afër Edrenesë në fushat e Trakisë. Respektohet edhe tragjedia e mijëra bashkatdhetarëve - refugjatë trakas, të cilët gjetën strehë në Bullgari dhe ruajtën kujtesën e tyre stërgjyshore.
Shënohet edhe data në të cilin në vitin 1913 u pushtua Kalaja e Edrenesë në Luftën Ballkanike. Që në vitet 20-të të shekullit XX shoqatat trake, ushtria, kisha dhe shoqëria kulturore bullgare shënonin 26 marsin.
Që nga viti 2006 dita u shpall zyrtarisht nga qeveria bullgare si Dita e Trakisë.
“Dita e Trakisë duhet të zërë vendin e saj të merituar në kalendarin zyrtar të Bullgarisë”, tha Nën Presidentja Iliana Jotova, e cila u përkul para monumentit të Epopesë së Edrenesë në Sofje.
“Dita e Trakisë është një festë e vullnetit për liri, unitet dhe drejtësi, në të cilën ne lavdërojmë trimërinë e ushtarëve bullgarë të cilët me guxim dhe gjak korrën fitore pranë Edrenesë. Ne ulim kokën përpara kujtimit të paraardhësve tanë që u vranë dhe u dëbuan nga tokat e tyre amtare në vitin 1913”, tha Jotova, e cila mori pjesë në festën tradicionale të organizuar nga Bashkimi i Shoqatave Trake në Bullgari.
Nënpresidentja vuri në dukje se shteti bullgar vazhdon t’u ketë borxh refugjatëve trakë.
Çdo vit të shtunën para festës së madhe të krishterë të Rrëshajëve, Kisha kremton të Shtunën e Shpirtrave që është e dyta brenda vitit, të cilën populli bullgar e quan ndryshe edhe si e Shtuna e Shpirtrave e Qershisë, sepse përkon gjithmonë me stinën e..
Pothuajse njëqind eksponate nga Muzeu Historik “Iskra” ("Shkëndija") në qytetin e Kazanllëkut (Bullgaria Qendrore) do të shfaqen në një ekspozitë botërore të artefakteve të thesareve trake në Muzeun “Paul Getty” në Los Anxhelos në fund të vitit,..
Petriç ndodhet në rrëzë të dy prej maleve më të bukura dhe ende të paprekura nga turizmi - Ograzhden dhe Bellasica. Zona përreth qytetit jugperëndimor ka qenë e banuar që nga kohërat e lashta, siç dëshmohet nga një sërë gjetjesh..