“Bullgarët po marrin fatin e tyre në duart e tyre dhe këto zgjedhje do të jenë hapi i parë drejt normalitetit, drejt kthimit të ligjeve dhe rregullave, drejt çlirimit të potencialit të madh që ka populli”, tha Presidenti Rumen Radev pasi ushtroi të drejtën e tij për të votuar. Ai u bëri thirrje të gjithë bullgarëve të rritur të votojnë në mënyrë që historia të mos na dërgojë në një provimi korrigjues të demokracisë.

Sipas kreut të shtetit, votimi duhej të ishte vitin e kaluar. Rumen Radev pret një parlament të qëndrueshëm, si dhe një qeveri të fortë dhe të suksesshme.

Nënpresidentja Iliana Jotova duke ushtruar të drejtën për të votuar tha: “Votova për kthimin e shtetësisë. Për një vend i cili të drejtohet nga njerëz të zgjuar, të aftë dhe të shkolluar që dinë se ku po shkon Bullgaria. Për një vend që kujdeset për çdo qytetar bullgar, dhe jo për një vend ku përfiton vetëm  një grusht njerëzish që u pasuruan dhe nuk u turpëruan të përdorin këtë krizë të rëndë për momentin për të grumbulluar dividentë. Votova për një vend me ​​rregulla në të cilin të gjithë e kanë vendin e tyre të denjë, të rinjtë kanë shans të zhvillohen dhe të mos largohen nga vendi. Votova për një vend që mendon për bashkatdhetarët e tij jashtë jo vetëm në zgjedhje, por gjithashtu bën politika për ta dhe së bashku me ta”, tha Jotova.