Dhe tani ku? - Politologët dhe analistët në Bullgari po e shqyrtojnë këtë çështje pas zgjedhjeve parlamentare më 4 prill. Të gjitha parashikimet paraprake ishin për një zgjedhje të pazakontë dhe të vështirë, për shkak të pandemisë Covid-19. Por pritjet që votuesit do të kenë frikë të shkojnë në votime nuk u realizuan - 46.9% e shtetasve bullgarë ushtruan të drejtën e tyre për të votuar dhe bashkatdhetarët tanë jashtë regjistruan një veprimtari civile të paparë.

Rezultati i votimit e vendosi Bullgarinë në një situatë të re politike në të cilën shumë analistë shohin një dështim për dy partitë më të mëdha – partia qeverisëse GERB dhe opozita kryesore parlamentare Partia Socialiste Bullgare /BSP/. Sipas rezultateve të ndërmjetme, me 54.63% të protokolleve të përpunuara nga komisionet sektoriale të zgjedhjeve, 6 formacione politike hyjnë në parlament dhe asnjë nga partitë dhe koalicionet nuk ka shumicën e nevojshme. 

Në bazë të këtij fragmentimi të fortë të forcave, konkluzionet rreth vullnetit dhe pritjeve të sovranit janë jashtëzakonisht të shumanshme:

Prof. Baeva theksoi pasigurinë e formuar nga rezultatet e votimit: "Deklaratat e drejtuesve të formacioneve politike tregojnë se nuk do të mund të formohet një koalicion i cili të funksionojë normalisht. " 

GERB ka qenë në pushtet për 12 vjet dhe nuk është veçanërisht e vështirë për të transferuar të gjitha negativat tek qeveria, sidomos në një krizë shëndetësore dhe ekonomike, tha Georgi Harizanov nga Instituti për Politikën e Djathtë. 

Në vend dominon vota opozitare, nënvizoi sociologu Kënço Stojçev në një intervistë për BNR. Raporti 2:1 në verë në favor të votuesve bullgarë me mendje opozitare ka mbetur dhe u shfaq në zgjedhje, është i mendimit ai. Sipas tij, mundësia për zhvillimin e zgjedhjeve të reja është e konsiderueshme:

Bisedime të vështira për formimin e qeverisë në Bullgari, parashikojnë agjencitë botërore. Agjencia Associated Press shkruan se mbështetja për Kryeministrin bullgar ka gërryer. Tani do të jetë e vështirë për Kryeministrin Borisov të qëndrojë në pushtet për shkak të mbështetjes më të lartë për partitë në opozitë të cilat janë kundër korrupsionit dhe sistemit dhe duan që ai të largohet, komentoi Reuters. "Bullgaria është e bllokuar" - ky përfundim është bërë nga radioja publike gjermane ARD, ndërsa agjencia austriake e lajmeve APA shpjegon se partitë e protestës në Bullgari nuk kanë arritur të bashkohen kundër statukuos dhe bën konkluzionin: "Pas zgjedhjeve është para zgjedhjeve. " "Spiegel" paralajmëron se formimi i vështirë i pritshëm i një qeverie të re në Sofje mund të çojë në probleme me livrimin e mjeteve nga fondi evropian për përballimin e efekteve të pandemisë, e cila do të ngadalësojë rimëkëmbjen ekonomike të vendit më të varfër në BE. 

Përpiloi: Elena Karkallanova

Përgatiti në shqip: Vesella Mançeva