Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Vendi ynë po del nga vala e tretë e Covid-19

Zgjatje me 1 muaj të gjendjes së jashtëzakonshme epidemike, rekomandojnë autoritetet shëndetësore

Foto: BGNES

Bullgaria po del nga vala e tretë e epidemisë nga koronavirusi, shpalli  në brifingun e rregullt të autoriteteve shëndetësore ministri i shëndetësisë në dorëheqje profesori Kostadin Angjellov. “Gjatë gjithë kohës na drejtonte arsyeja, intelekti i ekspertëve tanë dhe disiplina”, deklaroi ai dhe shprehu bindjen se, Bullgaria shumë shpejt do të kthehet në një shembull me rezultatet e saj, të cilat një sërë shtetesh evropiane nuk mund t’i arrijnë.

Në këtë moment nuk ka asnjë zonë të kuqe dhe sëmundshmëria mesatare është 460 në 100 mijë veta, derisa vdekshmëria del në 23 në 100 mijë veta, njoftoi inspektori shëndetësor shtetëror docenti Angjell Kunçev. Vendi ynë renditet në vendin e 14 në Bashkimin Evropian  në bazë të sëmundshmërisë 14 ditore, kurse për nga numri i të vdekurve mbetet në vendin e 2. Inspektori i shëndetësisë tha akoma se, kurba në rënie për rastet e konfirmuara të Covid-19 tanimë zbatohet si për të shtruarit ashtu dhe për të vdekurit.

Por, që të mund të mbahen rezultatet e mira, duhet të plotësohen dy kushte, mendon ministri i dorëhequr i shëndetësisë. E para është të ruhet rritmi i vaksinimit, i cili gjatë muajit maj  mund të arrijë deri më 50 mijë veta në ditë, dhe së dyti të respektohen akoma masat antiepidemike, derisa të arrihet një imunitet kolektiv jo më vonë se gjatë muajit gusht. Profesori Kostadin Angjellov tha po kështu se, sot do të vendoset nëse do të përdoret vaksina e “Jansen”-it, si dhe a do të hapen korridoret e gjelbra dhe a do të fillojë faza e 5 nga plani i vaksinimit, i cili prek grupet më të cenueshme në shoqëri.

“Ne nuk duhet ta humbasim vigjilencën, me gjithë trendët e mira ", paralajmëroi shefi i Shtabit Operativ Kombëtar gjenerali Vencisllav Mutafçijski. Sipas fjalëve të tij, pas Pashkës spitalet mund të mbushen me njerëz të sëmurë nga koronavirusi. Prandaj dhe ai apeloi që të respektojmë masat kundra epidemike në periudhën e festave.

Gjenerali Mutafçijski shtoi se, pakësimi i numrit të pacientëve të hospitalizuar nuk është “tepër i qartë” dhe mbajtja në klinikat intensive është “jashtëzakonisht shqetësuese”. Shefi i Shtabit Operativ Kombëtar deklaroi  se nuk ka një garanci nëse gjatë verës sëmundshmëria do të pakësohet.  

Deri në fund të javës do të vendoset se çfarë masash do të merren, në lidhje me festat e Pashkës. Do të merret dhe vendim nëse do të hyhet në vendin tonë me dokument për vaksinimin kundra Covid-19, për kalimin e sëmundjes gjatë 6 muajve të fundit ose për një rezultat negativ nga testi.

Autoritetet shëndetësore rekomandojnë që gjerndja e jashtëzakonshme epidemike të zgjatet me një muaj dhe të vazhdojë deri në fund të majit. Inspektori shëndetësor shtetëror docenti Angjell Kunçev  tanimë ka paraqitur një raport me propozimin. “Nëse ka një qeveri të ardhshme, ajo do të mund të ndryshojë këtë vendim,” saktësoi ministri i shëndetësisë në dorëheqje Angjellov.

Përgatiti në shqip: Nataniela Vasileva

Foto: BGNES


Последвайте ни и в Google News Showcase, за да научите най-важното от деня!

Më shumë nga rubrika

Foto: Shkolla Bullgare e së Dielës

Pasuesit e sotëm të Najden Gerovit në Britaninë e Madhe

E udhëhequr nga ideja për ruajtjen e shpirtit bullgar, kulturës dhe gjuhës mes brezit më të ri të fëmijëve bullgarë që jetojnë jashtë vendit dhe si një mësuese bullgare me më shumë se 35 vite përvojë pune në disa shtete evropiane, Ilijana Bojaxhieva Smit..

botuar më 25-04-01 7.30.PD

“Një dorë e shtrirë. E juaja” - një ekspozitë fotografike tregon historinë e jetës së qenve endacakë

Ekspozita fotografike “Një dorë e shtrirë. E juaja” tërheq vëmendjen mbi fatin e vështirë të qenve të braktisur në Sofje dhe provokon banorët e kryeqytetit të adoptojnë një kafshë shtëpiake. Nisma është e Ndërmarrjes Komunale të Sofjes "Ekoravnovesie"..

botuar më 25-04-01 6.10.PD

Mbi 7 mijë persona nga vende jo anëtare të BE-së kërkojnë punë në vendin tonë

Mbi 7 mijë kërkesa për qasje të qytetarëve nga vendet jashtë Bashkimit Evropian në tregun bullgar të punës janë pranuar në Agjencinë e Punësimit nga fillimi i vitit deri më 10 mars, duket qartë nga përgjigja me shkrim e Ministrit të Punës dhe..

botuar më 25-03-31 11.51.PD