Presidenti Rumen Radev përshkroi ndërrimet në postet kryesore në vend si “veprime logjike”. “Kur emërova qeverinë e përkohshme, unë dhashë udhëzimet e mia të shkurtra: ndershmëria, transparenca, por edhe toleranca zero për korrupsionin, krimin dhe votat e blera”, tha ai. Presidenti kujtoi se sipas ligjit, shefi i parlamentit, kryeministri dhe presidenti duhet të merrnin të njëjtin informacion, por në shumë raste kjo nuk ndodhi.

“Është e dukshme që shembulli i ish-kryeministrit që fshihej pas pushimeve dhe pushimeve mjekësore doli të jetë ngjitës edhe për vartësit e tij - padyshim që kjo nuk mund të ndodhë pa bekimin e tij”, shtoi ai duke synuar shefat e shërbimeve të sigurisë që dolën në pushime të gjata. Sipas tij abdikimi i tyre nga përgjegjësisë ndaj sigurisë kombëtare është një shenje, se besnikëria e tyre është ndaj Bojko Borisovit, jo ndaj Bullgarisë. “Forcimi i shtetësisë dhe superioriteti i ligjit janë ato që na duhet për momentin”, përfundoi kreu i shtetit.