Para disa ditësh në godinën e Ambasadës Bullgare në Tiranë u promovua dokumentari “Vendlindja dhe origjina” për minoritetin bullgar në Shqipëri, njoftoi sot.com.al. Skenari i filmit është i z. Selim Hoxhaj, Konsull Nderi i Republikës së Bullgarisë në Shqipëri, regjisori është Engjëll Ndocaj - Mjeshtër i Madh, operatori - Arben Tafili, kurse producenti - Gëzim Kurti - Kryetar i Shoqatës “Bullgarët e Shqipërisë”. Për realizimin e dokumentarit grupi xhirues ka shkelur në zona të ndryshme të Shqipërisë ku jeton pakica bullgare: Ostren, Gollobordë, Streblevë, Boboshticë, Drenovë, Vernik, Shishtavec, Borje, Zapod, etj. Filmi është xhiruar në kuadrin e një projekti me ndihmën financiare të qeverisë së Bullgarisë.
Në promovimin e dokumentarit morën pjesë Ambasadori i Bullgarisë në Shqipëri z. Momtchil Raytchevski, deputetë shqiptarë, anëtarë të grupit Parlamentar të Miqësisë Shqipëri - Bullgari, z. Sead Kazanxhiu, nënkryetar i Komitetit për Pakicat Kombëtare, kryetarë të shoqatave të pakicave bullgare në Shqipëri, grupi realizues i dokumentarit, diplomatë të ambasadës, gazetarë etj.
“Vendlindja dhe origjina” është xhiruar në vazhdim të dy viteve, është në tre pjesë, me rreth 40 minuta secila, dhe do të transmetohet së afërmi në ekranin e Televizionin Publik Shqiptar, informon sot.com.al.
Sipas fjalëve të skenaristit z. Selim Hoxhaj dokumentari po përkthehet edhe në gjuhën bullgare, “ç’ka do të mundësojë edhe transmetimin në televizionet në Bullgari”.
Deri më 15 shtator, Bulevardi “Vitosha” i kryeqytetit dhe parku përballë Pallatit Kombëtar të Kulturës janë shndërruar në një librari të madhe në ambient të hapur. Edicioni i radhës i "Rrugicës së Librit", organizuar nga Shoqata "Libri..
Brazili është ndoshta një nga destinacionet më pak të njohura për të emigruar mes bullgarëve sot. Vetë vendi nuk ka një standard jetese kaq të lartë, megjithatë bashkatdhetarët tanë që kanë zgjedhur të jetojnë atje janë shumë të kualifikuar...
Filmi "Triumfi" i dyshes regjisoriale Kristina Grozeva dhe Petër Vëllçanov është propozimi bullgar për çmimet "Oskar", njoftuan nga Qendra Kinematografike Kombëtare. Përzgjedhja jonë për kategorinë e filmit ndërkombëtar në çmimet e 97-të të..
Kultura bullgare dhe traditat vendase, të cilat deri vonë dukeshin ekzotike për pjesën tjetër të botës, gradualisht po bëhen pjesë e kulturës botërore të..