Partia Socialiste Bullgare /BSP/ do ta kthejë mandatin për të formuar një qeveri të martën (7 shtator). Kjo u vendos nga Këshilli Kombëtar i Socialistëve pas një mbledhjeje tre orëshe. U vendos që partia të mos emërojë një kryeministër.

BSP mori një mandat të tretë nga Presidenti Rumen Radev në fund të javës së kaluar. Atëherë liderja socialiste Kornelija Ninova tha se ata do të bëjnë çdo përpjekje për të formuar një kabinet të rregullt me ​​shumicën në parlament.

Më herët sot kryetarja e parlamentit Iva Miteva caktoi një seancë të jashtëzakonshme të Kuvendit Popullor për datën 7 shtator, kurd do të votohet në lexim të dytë azhurnimi i buxheteve të Arkës Shëndetësore dhe të Sigurimit Shoqëror Shtetëror.