Punëdhënësit, sindikatat dhe qytetarët organizuan protesta duke kërkuar kompensim të menjëhershëm dhe jo-simbolik për çmimet e larta të energjisë elektrike. Të pakënaqurit bllokuan trafikun në qendër të qytetit të Sofjes.

Çmimi i energjisë elektrike në tregun e lirë të energjisë arriti një rekord prej 240 eurosh për megavat-orë. Ky çmim paguhet jo vetëm nga biznesi, por edhe nga konsumatorët si shkollat, kopshtet, spitalet.

Bizneset dhe sindikatat po këmbëngulin për masa urgjente për të kontrolluar çmimet sepse ekziston rreziku jo vetëm i falimentimeve, por edhe i dështimit të furnizimit të energjisë elektrike. “Ekziston një mënyrë për të përgjysmuar çmimet vetëm me masa administrative, pa ndryshime ligjore”, tha lideri i Konfederatës së Sindikatave të Pavarura në Bullgari Pllamen Dimitrov për BNR.