Nuk ka vaksinim të detyrueshëm, qeveria nuk do të vendosë për sa kohë të jem unë kryeministër. Vaksinimi është fakti themelor për tejkalimin e krizës, tha në përgjigje të një pyetjeje parlamentare, Kryeministri Kirill Petkov.

“Ne duam të heqim certifikatat e gjelbra, por kjo duhet të ndodhë kur nivelet e mbrojtjes së popullsisë janë aq të larta sa të shohim që nuk kemi problem shëndetësor në spitale, që nuk plotësohen shtretërit intensiv. Mënyra e vetme për ta arritur këtë është arritja e niveleve të vaksinimit prej të paktën 70 për qind”, shtoi Petkov më vonë. Vetëm në 3 ditët e fundit janë të vaksinuar 92 mijë persona, tha kryeministri.