Nuk ka asnjë angazhim për heqjen e vetos bullgare mbi Maqedoninë e Veriut - negociatat do të vazhdojnë dhe të gjitha marrëveshjet midis dy vendeve do të merren parasysh. Këtë e tha kryetari i grupit parlamentar të formacionit “Po e vazhdojmë ndryshimin” Andrej Gjurov në përgjigje të akuzave të liderit të partisë “Ka një popull të tillë” Sllavi Trifonov, se zhvillohen bisedime prapaskenës me fqinjin tonë jugperëndimor.

Zëvendës kryetari i GERB Tomisllav Donçev komentoi se partia e tij kundërshton çdo tërheqje nga vetoja e vendosur në bisedimet e pranimit të Maqedonisë së Veriut në BE, ndërsa kreu i partisë “Vëzrazhdane” Kostadin Kostadinov bëri thirrje për një referendum kombëtar mbi pozitën e Bullgarisë.