Aktualisht në territorin e vendit tonë ka mbi 94 300 shtetas ukrainas, nga të cilët mbi 84 000 kanë statusin e mbrojtjes së përkohshme. Sipas të dhënave të portalit të unifikuar “Bullgaria për Ukrainën”, në hotelet tona janë të akomoduar 51 mijë e 300 ukrainas. Nga java e ardhshme (2 maj) Ambasada e Ukrainës në Bullgari do të nisë regjistrimin e personave që duan të pajisen me pasaportë biometrike. Pritet që brenda një ose dy muajsh të zgjidhet problemi me dhënien e lejeve për ata që dëshirojnë të kthehen në vendlindje dhe të hiqen tarifat e lëshimit. Lëshimi i pasaportave të përkohshme për ukrainasit është aktualisht i vështirë për shkak të logjistikës dhe evakuimit të kompanisë që printon dokumentin.

Ministri i Jashtëm ukrainas Dmitro Kuleba falënderoi vendin tonë për mbështetjen ndaj popullit ukrainas dhe fushatën e shpallur nga Kryeministri Kirill Petkov për mbledhjen e fondeve për mbrojtjen e Ukrainës.