Skulptura “Klithma e Nënës Ukrainase” u ngrit në Kopshtin e Princit në Sofje përball Monumentit të diskutueshëm të Ushtrisë Sovjetike. Në këtë aktivitet erdhën intelektualë, krijues dhe qytetarë.

Skulptura shkaktoi reagime të ashpra në rrjetet sociale. Edhe mbështetësit e Ukrainës komentuan negativisht për estetikën e figurës. Por fansat e veprës, e cila bie në kontrast të fortë me frymën e realizmit socialist në të cilin është i krijuar Monumenti i Ushtrisë Sovjetike, e krahasojnë imazhin me veprën “Britma” të piktorit ekspresionist Edvard Munk dhe “Gernika” të Pikaso.

“Pres reagime pozitive dhe negative. Ajo nuk është e bukur, por edhe e vërteta nuk është”, komentoi për BTA skulptori Nedellço Kostadinov.

“Thirrja e nënës ukrainase” qëndroi në piedestal për më pak se dy orë.