Bullgaria është një vend i bukur, i qetë dhe i sigurt, ndërsa bullgarët janë një popull mikpritës dhe krenar, gjithmonë të gatshëm për të treguar më të mirën nga vetja para pjesës tjetër të botës. Por ka veçori tipike bullgare, të cilat janë të pakuptueshme për të huajin kureshtar. Ja disa prej tyre:
“Të mos diskreditohemi para të huajve” është një frazë tipike bullgare. I huaji është i përkujdesur si një “vezë e lyer”. Qëllimi është të mos dyshojë për asnjë moment mikpritjen e famshme bullgare - një çështje nderi për çdo mikpritës që respekton veten. Por ndonjëherë është shumë - nikoqirët do t'ju trajtojnë si mikun e tyre më të mirë dhe do të ofendohen rëndë nëse nuk uleni në tryezën e familjes për t’u argëtuar deri në orët e vona, ose do të këmbëngulin t’ju shoqërojnë kudo për t’ju treguar atraksionet lokale etj.
Kujdes! “Po” do të thotë “Jo”. Kur një i huaj vjen për herë të parë tek ne, ai mund të gjendet në një situatë konfuze për shkak të mënyrës se si u përgjigjemi pyetjeve të tij. Arsyeja? Ne tundim kokën në të kundërtën për “po” dhe “jo” nga pjesa tjetër e botës. Me fjalë të tjera, një tundje e vetme e kokës lart e poshtë në bullgarisht do të thotë një përgjigje negative, ndërsa rrotullimi i saj horizontalisht është në fakt një sinjal pozitiv i pajtimit.
Bullgarët rrallë herë buzëqeshin, nuk u pëlqen t’u tregojnë emocionet e tyre të panjohurve. Ky seriozitet i zymtë të cilin ne nuk e vëmë re, bënë përshtypje të fortë dhe perceptohet si shfaqje e ftohtësisë dhe mungesë edukimi. Por sapo e njeh temperamentin tonë të nxehtë dhe përgjegjshmërinë tonë, i huaji ndryshon shpejt mendimin e tij fillestar dhe madje “i vjen keq” që u mashtrua kaq sipërfaqësisht nga pamja.
Sofra festive, argëtime deri në agim! Nëse ka një gjë që njerëzit tanë e zotërojnë deri në përsosmëri, ajo është aftësia për t’u çlodhur dhe për t’u argëtuar pavarësisht krizave ekonomike dhe privimit kronik. Të huajt pyesin veten se si jemi një nga vendet më të varfra në BE, dhe restorantet tona janë gjithmonë plot - nga pijetoret në fshatin më të largët dhe të shpopulluar deri te kafenetë, tavernat dhe restorantet gustator në qytete.
Me këpucët deri këtu! Nëse jeni të ftuar si mysafir, është mirë të respektoni tiparin tonë të mëposhtëm - bullgarët kujdesen shumë për pastërtinë, ndonjëherë kjo çon në mani. Bëhuni gati të jeni të ftuar me dashamirësi të hiqni këpucët që nga pragu i derës, në mënyrë që të mos ndotni qilimin ose parketin e lisit. Për këtë qëllim, mund t’ju paraqiten pantofla të buta për t’ju bërë të ndiheni si në shtëpinë tuaj.
Kuzhina bullgare është pikante, shpesh e kripur, ndonjëherë e yndyrshme dhe mjaft orientale. Po, sallata “Shopska”, byreku, grilli miks, patatet e skuqura me djathë dhe shijet e tjera bullgare vlerësohen denjësisht nga mysafiri i huaj.
Por shpeshherë gjellët pikante dhe të kripura, erëzat dhe aromat e forta, i vjen atij më shumë. Përveç kësaj, nuk pranohen gjithmonë pa rezerva boza, kefiri i kripur, taratori, çorba plëndësi, paçe, veshët e derrit të pjekur në skarë dhe një galaktikë të tërë ushqimesh të çuditshme, herë të buta, herë të tjera tepër pikante ose të yndyrshme për shijen e të huajve.Përgatiti në shqip: Svetllana Dimitrova
Foto: Pixabay, BGNES, arkiv
Një numër rekord - 600 "luftëtarë" janë të dislokuar në bazën ajrore Uzunxhovo, dhe rasti nuk është një konflikt ushtarak, por festimi i Ditës së qytetit Haskovo. Atraksioni më i madh me rastin e 8 shtatorit është loja e organizuar ushtarake simuluese..
Ellhovo ndodhet në pjesën juglindore të Ultësirës së Trakisë në mes të një fushe pjellore midis maleve Stranxha dhe Sakar. Një nga lumenjtë më të mëdha në Bullgari - Tunxha - kalon pranë qytetit, dhe në rajon ka 21 fshatra me tokë bujqësore, të cilat..
Festivali i pestë i Peshkut dhe i Verës do të mbahet nga 5 deri më 8 shtator në qytetin tonë bregdetar Burgas. Veprimtaria do t'u ofrojë banorëve dhe mysafirëve të qytetit një shumëllojshmëri prodhimi të kuzhinës dhe verës, një program muzikor dhe..
Hekurudha nëntokësore e qytetit të Sofjes doli të ishte ndër më të pëlqyerat në Evropë. Metroja e Sofjes renditet e dyta, e tejkaluar vetëm nga ajo në..
Vitin e kaluar, ndërsa ekonomia e Bashkimit Evropian vuante nga inflacioni galopant dhe rritja e ndenjur, presidentja e Komisionit Evropian Ursula von..
Pak ditë para fillimit të vitit të ri shkollor 2024-2025, lindi ideja e ndalimit të plotë të celularëve në shkollë. Arsyet kryesore për një vendim të..