Nga mbrëmë Termocentrali “Marica 3” në Dimitrovgrad filloi sërish punën, njoftoi korrespondentja jonë Dora Atanasova. Centrali u mbyll në fund të prillit për shkak të ndotjes së ajrit. Kjo çoi në protesta të punëtorëve në kompani. Dy ditë më parë gjykata hoqi pezullimin e aktiviteteve, por dje Ministri i Mjedisit dhe Ujërave Borisllav Sandov përditësoi Lejen Komplekse të Termocentralit “Marica 3” me kërkesa të shtuara në përputhje me legjislacionin evropian. Ai theksoi se operatori i kishte plotësuar vetëm pjesërisht kushtet. Aktivistët e Lëvizjes "Merr frymë, Dimitrovgrad!” u mblodhën mbrëmë para “Marica 3” pasi panë se kompania nisi punën. “Ne nuk jemi kundër funksionimit të termocentralit, por duhet të punojë sipas rregullave”, thanë ata.