Ministria e Brendshme do të nxjerrë sot udhëzime për administratën shtetërore dhe drejtuesve të departamenteve se si të mbrojnë sistemet e tyre nga sulmet e hakerëve. Qëllimi është që ato të parandalohen në zgjedhjet e parakohshme parlamentare të 2 tetorit. Këtë e bëri të ditur në një konferencë Ministri i Punëve të Brendshme nga qeveria e përkohshme, Ivan Demerxhiev. Ai deklaroi se nuk janë nxjerrë mësime nga rasti i sulmit kibernetik në shkallë të gjerë kundër “Postës Bullgare” nga prilli i këtij viti dhe nuk janë ndërmarrë veprimet e nevojshme në këtë drejtim. Demerxhiev shtoi se Ministria e Punëve të Brendshme ka gjithashtu shumë përgjegjësi rreth presionit të migrantëve, i cili po rritet çdo ditë. Për të siguruar rregull rreth zgjedhjeve, oficerët e Ministrisë së Punëve të Brendshme do të tërhiqen nga kufiri dhe në vend të tyre do të dërgohen njerëz nga Ministria e Mbrojtjes.