Nuk ka arsye për rifillimin e furnizimeve të gazit për Bullgarinë “armiqësore”, shkruan senatori rus Aleksej Pushkov në kanalin e tij Telegram. “Unë mendoj se Bullgarisë duhet t’i jepet mundësia për të bërë atë që donte aq dëshpërimisht - të kalojë dimrin pa gazin rus. Nuk është plotësisht e qartë pse furnizimet me gaz duhet të vazhdojnë në një vend aktiv “armiqësor”, domethënë një vend dashakeq aq më tepër që ajo vetë hoqi dorë prej tyre”, shton senatori, cituar nga agjencia ruse “Novosti”.

Më 11 gusht, në nivel të ministrave të mbrojtjes, në Kopenhagë do të mbahet takimi i pestë i vendeve të formatit “Ramstein”, të cilat ofrojnë mbështetje ushtarake për Ukrainën.

Në një fjalim televiziv, Presidenti ukrainas Vollodimir Zelenski falënderoi partnerët perëndimorë që kuptojnë se “vetëm sigurimi i disfatës ushtarake, politike dhe ekonomike të Rusisë mund të përshpejtojë kthimin e sigurisë në Ukrainë dhe Evropë”, njofton UNIAN.

Kreditorët e huaj të Ukrainës miratuan një moratorium dy-vjeçar për pagesat e obligacioneve për 20 miliardë dollarë të borxhit ukrainas, njoftoi Reuters. Fondet e mëdha të investimeve ranë dakord për të dhënë shtyrjen, pasi SHBA, Britania dhe vendet e tjera kreditore vendosën më parë të njëjtën gjë. Masa do t’i kursejë Kievit 5 miliardë dollarë.