Ministria e Energjetikës do të propozojë që qeveria të lëshojë një kredi prej 400 milionë euro për kompaninë shtetërore “Bullgargaz”, tha për BNT ministri përkatës Rosen Hristov. Synimi është që “Bullgargaz” të dalë në treg për financimin publik për t’i kthyer kredinë shtetit. Janë duke u shqyrtuar të gjitha burimet e mundshme të importit të gazit, duke përfshirë edhe “Gazprom”. Monopolisti rus është opsioni i fundit, theksoi ministri. Në vend ka gaz deri në shtator. Ka ku të gjendet gaz të paktën deri në fund të vitit, tha Hristov.

Lidhur me protestat politike në Sofje kundër importit të gazit rus, ai shpjegoi se kabineti i mëparshëm i Kirill Petkov “nuk ka pushuar së foluri me “Gazprom”, dhe pagoi një shumë kolosale për këshilla juridike”.

Ministri shtoi se kompensimi prej 13 eurocent për litër karburant për qytetarët nuk mjafton dhe se duhet të negociohen me “Llukoill” për një vendim kryesor.