Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Një ekspozitë zbulon fuqinë bashkuese të imazheve mrekullibërëse të Nënës së Zotit dhe shenjtorëve

7
Снимка: Facebook / @culturalinstitute.mfa

Respekti i botës ortodokse për ikonat e Nënës së Zotit dhe shenjtorëve është veçanërisht i fortë. Ato janë lidhja në komunikimin me Zotin, prandaj besimtarët u drejtojnë atyre lutjet e veta në raste të ndryshme. "Besimi në imazhet mrekullibërëse të Nënës së Zotit është filli lidhës midis kishave dhe manastireve në Ballkan, në të cilat ikona çudibërëse dhe lipsana të shenjta ruhen si relike të çmuara," vëren Snezhana Joveva, drejtoreshë e Institutit Shtetëror të Kulturës pranë Ministrisë së Punëve të Jashtme, me rastin e ekspozitës me posterë "Ikonat çudibërëse dhe lipsanat e shenjta në Ballkan". Ekspozita është vepër e studiuesve nga Qendra për Studime Sllavo-Bizantine "Prof. Ivan Dujçev" pranë Universitetit të Sofjes "Shën Klementi i Ohrit", me mbështetjen dhe partneritetin e Institutit Shtetëror të Kulturës pranë Ministrisë së Punëve të Jashtme.

Hapja e aktivitetit është në festën e madhe të Krishterë të Nënës së Zotit (15 gusht), në Qendrën Kulturore "Trakart" në qytetin e Plovdivit dhe është një lloj tregimi për mrekullitë që lidhen me ikonat çudibërëse dhe lipsanat e shenjta nga manastiret e ndryshme ballkanike.


Cili është mesazhi i saj?

“Në Ballkan të gjithë duhet të kërkojmë shumë më tepër dialogun, sesa konfrontimin, gjë që ndodh shpesh”, thekson Snezhana Joveva në një intervistë për Radio Vatikanin. 

Snezhana Joveva

Besimi dhe ruajtja e këtij kujtimi – përmes manastireve, përmes historive njerëzore për mrekullitë, janë një mesazh jashtëzakonisht i mirë. Dhe në këto 24 panele posterësh do ta shihni këtë histori - nga Manastiri "Shën Gjon Vladimiri" pranë Elbasanit – Shqipëri, ose Manastiri i Bigorit - Republika e Maqedonisë së Veriut ose nga Manastiri i Rillës, fuqia mrekullibërëse e Relikteve të Shenjta dhe adhurimi para ikonës mrekullibërëse të Nënës së Shenjtë. Sipas nesh duhet ta ndajmë këtë kujtim kolektiv për çudinë dhe t’i bëjmë njerëzit për ta kërkuar Zotin më shpesh.

Që nga viti i kaluar e deri në këtë moment, ekspozita është e pranishme në programet e misioneve tona diplomatike në mbarë botën dhe gëzon interes të madh. Në fillim të këtij viti, ajo vizitoi Qendrën Kulturore dhe Informative Bullgare në kryeqytetin e Maqedonisë së Veriut - Shkup, duke theksuar mrekullitë që lidhen me ikonën e Shën Gjon Pararendësit në Manastirin e Bigorit dhe eshtrat e ruajtura të Shën Klementit të Ohrit në kishën “Shën Pantelejmon” në Ohër. Para kësaj ajo ishte prezantuar në Beograd të Serbisë, në Berat dhe Tiranë të Shqipërisë, e më pas në Afrikën e Jugut, Itali, Zvicër dhe Bjellorusi.

Rruga e kësaj ekspozite i është drejtuar botës, nëse mund ta themi në këtë mënyrë – thekson Snezhana Joveva. – Premiera u mbajt në gusht (të vitit 2021 - red.), në prag të festës së madhe të krishterë të Fjetjes së Hyjlindëses Mëri, në galerinë tonë të rinovuar "Misioni" pranë Ministrisë e Punëve të Jashtme. Mund të shfaqet në të gjitha misionet tona diplomatike, jo vetëm në vendet e Ballkanit, por kudo ku ka interes për të. Përveç bullgarishtes është edhe në anglisht”.

Në hapjen e ekspozitës në Plovdiv do të prezantohet një katalog dygjuhësh me tregime për ikonat çudibërëse dhe lipsanat e shenjta në Ballkan.

Më shumë për respektin e bullgarëve ndaj ikonave mrekullibërëse me imazhin e Nënës së Zotit dhe shenjtorëve mund të lexoni në botimin e Radio Bullgarisë "Ikonat e Nënës së Zotit në Nesebër dhe Arbanasi ndihmojnë gratë të kenë fëmijë".  

Përpiloi: Darina Grigorova

Përgatiti në shqip: Vesella Mançeva

Foto: Facebook / @culturalinstitute.mfa, vaticannews.va



Последвайте ни и в Google News Showcase, за да научите най-важното от деня!

Më shumë nga rubrika

Shenja nga e kaluara - çfarë tjetër nuk dimë për alfabetin glagolitik?

Një alfabet, një mesazh për Evropën dhe shumë hipoteza – shkrimi glagolitik është një çelës për trashëgiminë dhe identitetin tonë kombëtar. Me rastin e 1170-vjetorit të krijimit të tij, ne transferohemi pas në kohë dhe më saktësisht në shekullin e..

botuar më 25-05-25 6.55.PD

Rruga Kulturore e Kirill dhe Metodij zbulon një trashëgimi historike evropiane që përfshin më shumë se 11 shekuj

Në vitin 2021, “Rruga e Kirillit dhe Metodij” shndërrohet në njërën nga 48 rrugët kulturore evropiane, dhe tradita shkrimore, kulturore dhe fetare kirillo-metodievske merr njohjen e radhës si pjesë e pandashme e trashëgimisë kulturore të Kontinentit të..

botuar më 25-05-24 3.00.MD
Natalija Stajkova

Mësuesja Natalija Stajkova – Lufta jashtë vendit është të ruajmë gjuhën bullgare

Natalija Stajkova është mësuese e shkollës fillore. Ajo është nga ata mësues për të cilët puna me fëmijë nuk është vetëm një profesion, por një mision. Natalija Stajkova thotë se fëmijët i japin forcë dhe energji. Ajo investon tërë shpirtin dhe zemrën e..

botuar më 25-05-24 7.10.PD