Më 30 gusht Kisha Ortodokse nderon ditën e Patriarkut të Kostandinopojës Shën Aleksandër dhe Kisha Ortodokse Bullgare kremton transferimin e lipsaneve të Shën Princi Aleksandër Nevski.
Më 30 gusht të vitit 1724 Perandori rus Petër I transferoi solemnisht lipsanet e Shenjtorit Aleksandër Nevski në kryeqytetin e ri rus Shën Petersburg, dhe ata u vendosën në Lavrën e Aleksandër Nevskit të ndërtuar për nder dhe kujtim të tij.
Një nga simbolet e Sofjes Katedralja e Patrikanës në qendrën e qytetit mban emrin e princit, i famshëm për fitoren e tij mbi Urdhrin Teutonik në Betejën e Akullit zhvilluar në liqenin Peipus, 1242, i shenjtëruar nga Kisha Ortodokse Ruse. Aleksandër Nevski është mbrojtësi i Perandorit rus Aleksandër II dhe emri i tempullit është shprehje e mirënjohjes së bullgarëve ndaj Rusisë në personin e Mbretit Çlirimtar.
Më 30 gusht çdo vit katedralja më e madhe në Ballkan – Tempulli Monument “Shën Aleksandër Nevski” shënon festën verore të shenjtorit të tij mbrojtës. Katedralja, e projektuar në një stil neo-bizantin, u ndërtua në kujtim të atyre të cilët e sakrifikuan jetën për çlirimin e Bullgarisë nga zgjedha osmane gjatë Luftës Çlirimtare Ruso-Turke (1877-1878). Ndërtimi filloi në verën e vitit 1904 dhe përfundoi në vitin 1912 dhe shuma e nevojshme prej 5.5 milionë leva u mblodh nga donacionet private dhe ndihmat shtetërore. 12 vjet më vonë, më 30 gusht 1924, tempulli u shenjtërua. Më 1 janar 1951, ai u shpall një Katedrale Patriarkale, ndërsa në vitin 1955 - një Monument Kulture.
Festa tjetër e madhe e shenjtorit mbrojtës të tempullit kremtohet më 23 nëntor, dita e fjetjes së Shenjtorit Aleksandër Nevski.
Në festën e sotme kishtare, ditë të emrit kanë të gjithë ata që mbajnë emrat Aleksandër, Aleksandra, Aleko, Sashka dhe derivatet e tyre.
Jini të shëndetshëm!
Redaktore: Vesella Krësteva
Përgatiti në shqip: Svetllana Dimitrova
Foto: BGNES
Pas festës së madhe të Fjetjes së Hyjlindëses, Lindja e Nënës së Zotit kremtohet me nder të veçantë në Bullgari. Kisha jonë e feston atë më 8 shtator, së bashku me kishën ortodokse greke, ndërsa kishat e tjera ortodokse lokale e kremtojnë festën më 21..
Më 6 shtator 1885, Bullgaria u bë përsëri një shtet i bashkuar. Në një intervistë për Radio Bullgarinë, profesori i Universitetit të Sofjes "Shën Kliment Ohridski" Ivan Illçev foli për faktorët që çuan drejt Bashkimit, kur Principata e Bullgarisë dhe..
Përgjatë shtrirjes midis Rrafshinës së Trakisë së Epërme dhe malit Rodopa nga lindja në perëndim si një varg gjerdani renditen vendbanimet piktoreske - Asenovgrad, Perushtica, Kriçim, Peshtera, Patalenica dhe Varvara. Përgjatë luginave të..
Revolucionari i madh Ljuben Karavellov (1834-1879), shkrimtar dhe publicist i Rilindjes sonë, ka lënë një gjurmë të thellë në letërsinë bullgare si prozator,..
Pjesërisht me re
Vranësira të dendura
Vranësira