Shëtitorja qendrore e Kopshtit Detar në Varna tashmë është duke u përgatitur për zbukurimin pranveror me tulipanë dhe manushaqe, të cilat do të kënaqin sytë e kalimtarëve pranverën e ardhshme.

“Nga vjeshta fillojnë përgatitjet për mbjelljen e luleve, po marrin formë edhe figura të reja”, tha për BNR Varna, Janka Petrova, e cila punon si kopshtare për më shumë se një çerek shekulli.

Për momentin po punohet intensivisht për pastrimin e parkut emblematik të kryeqytetit tonë detar nga gjethet e rëna. Dimërimi i Trëndafilishtës po vjen.

Dhe në pranverë, tulipanët holandezë do të zbukurojnë Kopshtin Detar.

“Ka shumë punë në Kopshtin e Detit, është e vështirë, por 25 vjet më parë gjithçka bëhej me dorë – edhe fshirja edhe ngarkimi i plehrave. Tani makineritë ndihmojnë, është më shpejt dhe puna shkon më lehtë”, thotë Janka Petrova.

Përpilues: Elena Karkallanova

Përgatiti në shqip: Svetllana Dimitrova

Foto: BNR-Varna