Një apel për bullgarët në mbarë botën që sot të ushtrojnë të drejtën e tyre kushtetuese dhe të japin votën e tyre për të ardhmen e Bullgarisë, bëri në rrjetin social Facebook Drejtoresha e Agjencisë Ekzekutive për Bullgarët Jashtë Shtetit, Rajna Manxhukova.
“Ju drejtohem atyre prej jush që keni lindur në Bullgari, por keni ZGJEDHUR të jeni jashtë vendit – pavarësisht se kur, për çfarë arsye dhe sa kohë planifikoni të qëndroni atje – mbani mend se kjo është ZGJEDHJA JUAJ. Kjo nuk është zgjedhja e fëmijëve tuaj, të cilët ndoshta sot ndjekin shkollat bullgare të së dielës, të cilat, nga ana tjetër, ekzistojnë falë atyre prej jush që e konsiderojnë veten pjesë të Bullgarisë, por edhe falë mbështetjes financiare të Bullgarisë. Nesër, fëmijët tuaj mund të zgjedhin të kthehen dhe të jetojnë në Bullgari. Çfarë do të jetë varet nga ju sot. Nga fakti nëse do të shkoni sot në qendrat e votimit”.
Ka edhe një mesazh të veçantë për bullgarët nga diaspora historike, të cilët kanë ruajtur shpirtin, traditat dhe vetëdijen bullgare me shekuj, dhe në një moment zgjodhën të bëhen qytetarë bullgarë:
“Pavarësisht se ku jeni në këtë moment – në vendin tuaj, në Bullgari apo diku tjetër – ju gjithashtu keni mundësinë të votoni në çdo seksion jashtë vendit. Përpara se të vendosni se kjo nuk ju shqetëson, ju kërkoj të mendoni se për çfarë arsye keni kërkuar shtetësinë bullgare, çfarë ju ka dhënë dhe çfarë i keni dhënë Bullgarisë.
...Unë vetë aplikova për nënshtetësinë bullgare 30 vjet më parë për një arsye të vetme - për të pasur të drejtën e votës. Pasi vendosa të jetoj në Bullgari, doja të kisha mundësinë të merrja pjesë në ndërtimin e së ardhmes së vendit. Dhe gjithnjë e kam ushtruar këtë të drejte timen.
Edhe sot votova. ... Bullgaria ka nevojë për votën e secilit prej jush”, apelon Rajna Manxhukova.
Përpilues: Elena Karkallanova
Përgatiti në shqip: Svetllana Dimitrova
Festivali “Varvara Kite Fest” përfshin klasa të mjeshtërisë, ekspozitë fotografike dhe kinema verore për fëmijë. Edicioni i katërt do të mbahet më 18 dhe 19 gusht në fshatin turistik Varvara, Komuna Carevo, njoftuan organizatorët nga “Mrekullitë e..
Në ditët më të nxehta të verës, anëtarët e Organizatës “Greenpeace” udhëtojnë në të gjithë vendin për të treguar se sa nxehtë është në mjedisin urban. Me ndihmën e kamerave termike zbulojnë temperaturën përreth ndërtesave, e cila në qytete si Plovdiv..
“48 orë Varusha-jug” mbahet në periudhën nga 16 deri më 18 gusht në qytetin Veliko Tërnovo. Festivali paraqet mundësitë e lagjes për kulturë, sport, aktivitete për të gjithë familjen, lidhje me natyrën, veprimtari edukative. Ngjarja është një nismë e..
Vitin e kaluar, ndërsa ekonomia e Bashkimit Evropian vuante nga inflacioni galopant dhe rritja e ndenjur, presidentja e Komisionit Evropian Ursula von..
Nënpresidentja Ilijana Jotova u takua me pjesëmarrësit e Konferencës së Tretë Ndërkombëtare të Udhëtimit "Bullgaria Piktoreske. Dialogët ndërdisiplinorë..
Pak ditë para fillimit të vitit të ri shkollor 2024-2025, lindi ideja e ndalimit të plotë të celularëve në shkollë. Arsyet kryesore për një vendim të..