Nxënësit bullgarë u paraqitën shkëlqyeshëm në Olimpiadën Ballkanike të Fizikës. Ata fituan dy medalje të arta dhe dy të argjendta në një garë me 56 pjesëmarrës nga 9 vende të Ballkanit dhe 5 vende të tjera. Olimpiada u mbajt në internet nga 7 deri më 9 tetor, me Qipron si mikpritëse virtuale, bëri të ditur Ministria e Arsimit dhe Shkencës. Medaljet e arta u fituan nga Margulan Ismoldaev nga shkolla e mesme e matematikës në Varna dhe nga Georgi Kostadinov nga shkolla e mesme për shkenca-natyrore dhe matematikore në Burgas. Medaljet e argjendta i morën Rumen Dimitrov nga shkolla e mesme e matematikës e Sofjes dhe nga Geo Kallfov nga shkolla e mesme e parë private e matematikës. Udhëheqësja e tyre është Maja Zhekova nga Fakulteti i Fizikës i Universitetit të Sofjes.