Presidenti i Armenisë Vahagn Haçaturjan është duke bërë një vizitë shtetërore me ftesë të kolegut të tij bullgar Rumen Radev. Kjo është vizita e parë e një presidenti armen në Bullgari që prej 14 vitesh e këtej dhe bëhet në kuadër të 30-vjetorit të vendosjes së marrëdhënieve diplomatike midis dy vendeve. Gjatë takimit të dy krerët e shteteve theksuan si prioritet në marrëdhëniet dypalëshe nxitjen e bashkëpunimit ekonomik dhe partneritetit ndërmjet përfaqësuesve të biznesit nga Bullgaria dhe Armenia.

Radev dhe Haçaturjan theksuan marrëdhëniet e shkëlqyera dypalëshe në frymën e miqësisë së ngushtë, besimit dhe respektit, bazuar në ndërveprimet shekullore historike, kulturore dhe shpirtërore midis popujve të dy vendeve. “Komuniteti armen në Bullgari, rolin e të cilit në shoqërinë tonë ne e vlerësojmë shumë, nuk është vetëm një lidhje e fortë midis vendeve tona, por është gjithashtu një simbol i solidaritetit, miqësisë dhe ndjeshmërisë”, tha presidenti bullgar. Presidenti Haçaturjan shprehu mirënjohjen për popullin bullgar për mbështetjen e komunitetit armen në vendin tonë për të ruajtur identitetin e tij kulturor.

•  Ekspozita "Kujtesa" tregon relikte të refugjatëve armenë në Bullgari

Në kuadrin e vizitës u nënshkrua një Protokoll për themelimin e Dhomës Armeno-Bullgare të Tregtisë dhe Ekonomisë.

•  Interesimi i sipërmarrësve bullgarë për Armeninë po rritet