“Mos më premtoni asgjë për nesër, sot tashmë e vlerësoj çdo minutë... Dua një lule - një, por tani... Sepse e nesërmja fillon nga sot...”. Ky është një fragment nga kënga e njohur e viteve '90 të shekullit të kaluar "Nesër fillon nga sot". Rasti për t’i kujtuar këto fjalë është 10 nëntori - Dita e Lirisë së Fjalës në Bullgari. Data, të cilën e lidhim me fillimin e ndryshimeve demokratike në Bullgari, u bë gjithashtu simbol i shprehjes së lirë në vitin 2003, gjatë prezantimit të çmimeve vjetore për gazetarinë "Çernorizec Hrabër" nga Unioni i Botuesve në Bullgari.
Më 10 nëntor 1989, Plenumi i Nëntorit i Komitetit Qendror të Partisë Komuniste Bullgare pranoi dorëheqjen e liderit komunist Todor Zhivkov, gjë që i dha mundësinë Bullgarisë të merrte një rrugë të re zhvillimi pas 45 vitesh sundim socialist.
Dhe muzika i frymëzonte njerëzit dhe u dha atyre forcë për të kaluar vitet e vështira që pasuan.
“Mendoj se arti është një botë paralele. Njeriu mund të arratiset në të kur nuk i pëlqen ajo që e rrethon. Në ato “vite socialiste” muzika ishte një pjesë, një copë liri...” – thotë muzikanti i dashur i disa brezave bullgarë nga grupi “Shturcite” Valldi Totev në një intervistë për Radio Bullgarinë. Ai, së bashku me shumë muzikantë të tjerë, merrte pjesë në mitingjet e protestës që zhvilloheshin në sheshet në atë kohë me entuziazëm dhe shpresë të madhe për ndryshim, për një të ardhme më të mirë, për lirinë e fjalës, të artit, të personalitetit.
Atëherë lindën të ashtuquajturat “këngë të protestës”, dhe ajo që thuhej në to edhe sot e kësaj dite ngre pikëpyetje - a ia doli shoqëria jonë të ndahej nga të metat e veta, a na çuan njerëzit që zgjodhëm për të na qeverisur në drejtimin e duhur, a e arritëm lirinë që ëndërronim? ... Dhe a janë më pak ata që sot, pikërisht sot, duan bukë dhe këpucë të ngrohta, siç këndon Ilija Angellov nga “Diana Expres”, autor i muzikës së këngës “Nesër fillon nga sot”. Teksti i këngës është i Aleksandër Petrov.
Përgatiti në shqip: Vesella Mançeva
Është e Diela e të Lidhurit të Djathit . Sipas traditës ortodokse, dita kremtohet çdo vit në prag të Kreshmës së Madhe, kur të krishterët falin njëri-tjetrin. Kjo është dita e fundit para kreshmës, në të cilën besimtarët mund të konsumojnë bulmetra..
Dita e Shpirtrave, ose Dita e të Vdekurve, është një ditë e rëndësishme për shumë të krishterë. Në këtë ditë kujtojmë të afërmit dhe të dashurit e ndjerë. Kjo është e para nga tre Ditët e Shpirtrave të vitit, e cila është quajtur nga populli..
Më 17 shkurt 2025 mbushen 17 vjet nga shpallja e pavarësisë së Kosovës. Në këtë ditë në vitin 2008 Kosova u bë shteti më i ri në botë pas shpalljes së Deklaratës së Pavarësisë së Kosovës nga shumica e deputetëve të Kuvendit të Kosovës dhe Presidenti i..
Të Mërkurën e Madhe kujtohet një nga ngjarjet e fundit para vuajtjeve shpëtimtare të Birit të Zotit për njerëzimin. Në pendimin e saj të..
Atë ditë, Shpëtimtari organizoi darkën tradicionale të Pashkës për popullin hebre në shtëpinë e një banori të Jerusalemit. Përpara darkës, si shprehje..
Vranësira të dendura
Pjesërisht me re
Vranësira të ndryshueshme mundësi për reshje shiu