Në nivel ambasadorësh NATO do të shqyrtojë kërcënimin kundër territorit polak pasi një raketë ra në një fermë polake në afërsi me Ukrainën dhe vrau dy civilë. Varshava tha se nuk ka nevojë për të aktivizuar nenin 5 të marrëveshjes së mbrojtjes kolektive të NATO-s. Presidenti polak Anxhej Duda komentoi se ende nuk ka informacion të saktë se kush e lëshoi saktësisht raketën. “Do të ketë një hetim aleat. Nuk kemi asnjë provë për momentin se kush e lëshoi raketën. Është një raketë e prodhuar nga Rusia, por hetimi është në vazhdim”, tha Duda.
Zyrtarët amerikanë thanë se sipas të dhënave fillestare, raketa që goditi Poloninë u lëshua nga forcat ukrainase kundër një rakete ruse që po afrohej, njoftoi Associated Press. Sipas tyre, kjo ndodhi në sfondin e raketave më të fundit shkatërruese të lëshuara nga Rusia kundër infrastrukturës elektrike të Ukrainës. Më 15 nëntor, Rusia lëshoi më shumë se 90 raketa me krahë kundër Ukrainës, nga të cilat 77 u rrëzuan, raportoi UNIAN.
Bullgaria është jashtëzakonisht e shqetësuar nga shpërthimi në Poloni, ku humbën jetën dy civilë, theksohet në një deklaratë të Ministrisë së Jashtme bullgare. “Po monitorojmë zhvillimin e situatës nga afër dhe jemi në kontakt me aleatët tanë për konsultime. Ne shprehin solidaritetin e plotë me aleatët tanë polakë, bashkimi i NATO-së dhe BE-së është fuqia jonë. Që nga fillimi i luftës ruse në Ukrainë, ne deklarojmë se agresioni duhet të ndalet”, thuhet në deklaratë.
“Incidenti në Poloni, i cili çoi në humbje të jetëve njerëzore, është i papranueshëm, rrezikon të destabilizojë të gjithë rajonin dhe të zgjerojë shtrirjen territoriale të luftës së Rusisë kundër Ukrainës”, tha presidenti Rumen Radev në një qëndrim të tij. “Është e nevojshme që menjëherë të zbardhet ky rast i rrezikshëm dhe të merren masat adekuate. Çdo ditë e kësaj lufte shkatërron të ardhmen e Evropës dhe botës”, tha Radev.
Sulmet ruse kundër sistemit energjetik të Ukrainës shkaktuan ndërprerje të rrymës elektrike në pjesë të Moldavisë dhe shumë zona të Ukrainës. Kievi njoftoi se mungesa e energjisë elektrike ndaloi furnizimin me naftë përmes tubacionit “Druzhba”, i cili furnizon Hungarinë me naftë ruse.
Ministri i mbrojtjes Atanas Zaprjanov mori pjesë në takimin e ministrave të mbrojtjes të vendeve të grupit B9, të kryesuar nga Rumania dhe Polonia. Forumi zhvillohet në Bukuresht. Ministri Zaprjanov foli të martën në mbrëmje me homologun e tij..
Vizita e presidentes së Maqedonisë së Veriut Gordana Siljanovska është me rastin e një ngjarjeje kulturore - vizita e Operës dhe Baletit Kombëtar të Maqedonisë së Veriut në Sofje dhe nuk ka karakter të vizitës shtetërore, zyrtare apo pune. “ Në..
Me një festival gjashtëditor të zanateve në Veliko Tërnovo , nisin festimet me rastin e 116 vjetorit të shpalljes së Pavarësisë së Bullgarisë , të cilën e festojmë më 22 shtator, njoftoi korrespondentja e BNR, Zdravka Masljankova. Më shumë..
Ekaterina Zaharieva, e nominuar nga GERB-SDS për Komisionere Evropiane nga Bullgaria, merr portofolin e startup-eve, kërkimeve shkencore dhe inovacionet...
Ambasadori bullgar në Maqedoninë e Veriut, Zheljazko Radukov, refuzoi të pranojë notën e protestës për mungesën e flamurit maqedonas në takimin mes..
Sot ministri i punëve të jashtme Ivan Kondov dhe ambasadori i jashtëzakonshëm dhe fuqiplotë i SHBA-së në Bullgari Kenneth Merten diskutuan në një..