Kuarteti klasik i rockut "Gabana" e ka dëshmuar veten ndër vite si një nga grupet që e formojnë skenën moderne të rock-ut alternativ bullgar.

Angell Djullgerov - kitarë, Viktor Stambollov - vokal dhe kitarë, Nikolla "Nixon" Xhokov - bateri dhe Stojko Milev - bas u mblodhën në agimin e mijëvjeçarit të ri në Plovdiv. Për më shumë se dy dekada, djemtë krijuan shumë këngë origjinale, shumica prej tyre të mbledhura në tre albume.

Në vitin 2006, albumi i tyre i parë u nominua për albumin më të mirë rock në Çmimet Muzikore të kanalit televiziv MM. Dhjetë vjet më vonë, u shfaq koleksioni i dytë - Lovepill. Albumi i tyre i fundit, i tretë, i titulluar "Pulsi", paraqet dhjetë këngë në bullgarisht. Pas këngëve "Pulsi", "Koha" dhe "Ëndrra", kënga e katërt aktuale singel nga albumi titullohet "Zogu".