Dy sindikatat më të mëdha Konfederata e Sindikatave të Pavarura dhe “Podkrepa” po protestojnë para godinës së Kuvendit Popullor në mbrojtje të sigurisë energjetike të vendit. Ata janë të pakënaqur me angazhimin në Planin Kombëtar të Rimëkëmbjes dhe Qëndrueshmërisë për të ulur emetimet e karbonit me 40 për qind deri në fund të vitit 2025 në krahasim me nivelet e 2019-ës dhe po kërkojnë që termocentralet e qymyrit të funksionojnë të paktën deri në vitin 2038.

Deputetët dolën te protestuesit. Para kësaj, parlamenti votoi një vendim që detyron qeverinë të ndryshojë Planin Kombëtar të Rimëkëmbjes. Sipas deputetëve, kjo është e mundur pasi Komisioni Evropian njohu ndryshimin e situatës gjeopolitike për shkak të luftës në Ukrainë dhe lejoi rinegocijimin e projekteve nga plani RePowerEU.