Të enjten, temperaturat minimale do të jenë nga 16 deri në 19°C, në Sofje – 16°C. Gjatë ditës, nën ndikimin e frontit të ftohtë që kalon nga perëndimi në lindje, do të mbizotërojnë vranësira të dendura të tipit grumbullor me reshje shiu. Rreth dhe pas mesditës, në Bullgarinë Perëndimore dhe Qendrore, dhe në mbrëmje edhe në rajonet lindore, priten reshje të shkurtra lokale me vetëtima dhe erëra të forta. Ekzistojnë gjithashtu kushte për breshër. Fenomenet do të jenë më intensive në zonat malore dhe në Bullgarinë Veriore. Temperaturat maksimale do të jenë nga 28 deri në 33°C, në kryeqytet rreth 29°C.

Në bregdet, moti do të jetë me vranësira të herëpashershme, më të theksuara pasdite. Në orët e mëngjesit, në disa vende do të ketë mjegull dhe ulje të dukshmërisë. Do të fryjë erë e lehtë deri mesatare nga lindja-juglindja. Temperaturat maksimale të ajrit do të jenë 26-27°C. Temperatura e ujit të detit është 24-25°C. Dallgëzimi i detit do të jetë 2-3 ballë.

Në male, vranësirat do të jenë të shumta. Kryesisht mbi masivet e Bullgarisë Perëndimore dhe Qendrore do të zhvillohen vranësira grumbullore me reshje shiu, të shkurtra, por me intensitet të përkohshëm dhe sasi të konsiderueshme, të shoqëruara me vetëtima. Temperatura maksimale në lartësi 1200 metra do të jetë rreth 23°C, ndërsa në 2000 metra rreth 16°C.

Të premten, moti do të vijojë me vranësira të shpeshta, rreth dhe pasdite me vranësira grumbullore dhe reshje shiu në shumë zona. Reshjet mund të jenë përkohësisht intensive. Temperaturat maksimale do të jenë nga 22°C në zonat perëndimore deri në rreth 30°C në ato lindore, ku përpara mesditës do të ketë më shumë diell.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BTA