Angazhimet e Bullgarisë sipas Planit të Rimëkëmbjes dhe Qëndrueshmërisë për të reduktuar emetimet e dëmshme në ajër nuk mund të përmbushen. Zëvendëskryeministri Atanas Pekanov konfirmoi se puna për rinegocimin e planit në pjesën energjetike të porositur nga KuvendiPopullor tashmë është duke u zhvilluar. Ministria e Energjetikës, Ministria e Mjedisit dhe Ujit, si dhe partnerët socialë po punojnë për përgatitjen e një kërkese të arsyetuar për centralet e qymyrit, në përputhje me vendimin e Kuvendit Popullor. Qëndrimi i Bullgarisë është se për momentin nuk mund të përmbushë reduktimin e emetimeve - as për vitin e kaluar, as për vitin e tanishëm, për shkak të situatës aktuale energjetike.

Kujtojmë se Legjislatura e 48-të e Kuvendit Popullor detyroi qeverinë të ndryshojë Planin Kombëtar të Rimëkëmbjes dhe Qëndrueshmërisë. Pritet që deri në fund të marsit të “ndërmarrë të gjitha veprimet e nevojshme” për të hequr angazhimin për uljen e emetimeve të karbonit nga prodhimi i energjisë me 40 për qind deri në fund të 2025, duke marrë nivelet bazë të vitit 2019.