Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Shanset për të gjetur të mbijetuar nën rrënojat në Turqi dhe Siri po zvogëlohen

Foto: EPA/BGNES

Më shumë se 21 000 janë shpallur zyrtarisht të vdekur në Turqi dhe Siri nga tërmetet shkatërruese. Në Turqi viktimat janë mbi 17 600, ndërsa të plagosurit kalojnë 70 000. Sipas të dhënave të fundit janë shkatërruar 6444 ndërtesa. Ekipet e shpëtimit nga dhjetëra vende po vazhdojnë të kërkojnë për të mbijetuar. 87 orë pas tërmetit të parë të fuqishëm në Malatja, u raportua se një fëmijë u shpëtua nga rrënojat, megjithëse 72 orë pas tërmetit shkatërrues, të mbijetuarit janë të vështirë për t'u gjetur.

Një ekip bullgar vullnetarësh ka gjetur pesë të mbijetuar në qytetin Kahramanmarash, njoftoi Shoqata Kombëtare e Vullnetarëve në Bullgari në faqen e tyre në Facebook. Shoqata konfirmoi për BNR se të mbijetuarit e zbuluar u nxorën nga poshtë rrënojave.

Një nga pesë qentë e shpëtimit që Bullgaria dërgoi në Turqi gjeti një grua të gjallë nën rrënojat në qytetin e Antakias, njoftoi Shërbimi Bullgar i Shpëtimit Malor. Dy jetë u shpëtuan në një operacion të përbashkët mes ekipeve bullgare dhe vendase. Të shpëtuarit janë një fëmijë 4 vjeç dhe një burrë i rritur, njoftoi drejtoria “Siguria nga zjarri dhe mbrojtja e popullsisë”. Dr. Veselin Jollov, i cili është pjesë e ekipit bullgar, kishte detyrën e vështirë për të asistuar dhe marrë pjesë drejtpërdrejt në një operacion kompleks kirurgjik. Falë veprimeve të tij, viktimës iu dha një shans i dytë në jetë.

Kryqi i Kuq Bullgar ka transferuar 400 000 euro të mbledhura deri më tani për të ndihmuar viktimat në Turqi dhe Siri. Shumat janë 240 000 euro për Turqinë dhe 160 000 euro për Sirinë.

Dy kamionë me ndihma të dhuruara nga fushata Gorata.bg nisen për në Turqi më 10 shkurt. Njëri do të drejtohet drejtpërdrejt në qytetin e dëmtuar të Adanasë, tha për BNR Nikolla Rahnev nga platforma.



Последвайте ни и в Google News Showcase, за да научите най-важното от деня!

Më shumë nga rubrika

Rosen Zheljazkov (majtas) dhe Christian Stocker

Kryeministri Rosen Zheljazkov: Konflikti midis Izraelit dhe Iranit kërcënon sigurinë e të gjithë rajonit

Konflikti ushtarak midis Izraelit dhe Iranit kërcënon sigurinë e të gjithë rajonit, tha Kryeministri bullgar Rosen Zheljazkov dhe shprehu shpresën se nuk do të ketë më përplasje në shkallë të plotë. "Sepse tjetra do të thotë një luftë vërtet..

botuar më 25-06-13 4.54.MD

Opinionet janë pothuajse të barazuara – 37.2% kundrejt 38.4% – lidhur me aplikimin e euros

Sipas një sondazhi të realizuar nga “Sova Haris” në qershor, fushata informative e qeverisë për anëtarësimin në eurozonën nuk është bindëse, transmeton BTA. Sipas të njëjtit sondazh, 60.1% e bullgarëve besojnë se me heqjen e levës shteti humb..

botuar më 25-06-13 1.32.MD

Qeveria deklaroi se nuk ka ndonjë rrezik të drejtpërdrejtë nga përshkallëzimi në Lindjen e Mesme

Nuk ka ndonjë rrezik të drejtpërdrejtë për Bullgarinë pas përshkallëzimit të situatës në Lindjen e Mesme, njoftoi Këshilli i Ministrave. Pas sulmeve të gjera izraelite ndaj objektivave strategjike në Iran, situata aktuale në Izrael është e qetë...

botuar më 25-06-13 12.21.MD