"Si teknologjitë digjitale po e ndryshojnë sistemin bullgar të kujdesit shëndetësor dhe pse ky proces është thelbësor për zhvillimin e sektorit - përgjigje për këto pyetje, si dhe pyetje të tjera, jep filmi i ri dokumentar "Kodi: Jeta", i krijuar mbi idenë e Grupit bullgar për zgjidhjet digjitale dhe inovacionet në kujdesin shëndetësor. Regjisorja dhe skenaristja është Vjara Dejanova, kinematografi - Dobromir Ivanov. "Sektori i kujdesit shëndetësor është një nga sektorët më kompleks ekonomik dhe më të fragmentuar në çdo vend dhe pikërisht për këtë arsye reforma e tij është një proces jashtëzakonisht i vështirë, i ngadalshëm, por imperativ," tha për BNR Mira Ganova, drejtore ekzekutive e Grupit bullgar në fjalë. Përmes dialogut në film mes disa prej ekspertëve më të mirë bullgarë të shëndetësisë dhe pacientëve ekipi përpiqet të tregojë rëndësinë e temës dhe t'i japë përparësi në agjendën e politikanëve dhe shoqërisë.

Përpiloi: Vesella Krësteva

Përgatiti në shqip: Vesella Mançeva