Kompozitor, dirigjent, talent i madh, dukuri unike në kulturën bullgare, Diko Iliev është autor i dhjetëra valleve, manualeve, por edhe valseve, marsheve dhe veprave të tjera për orkestër frymore. Prej dekadash, bullgarët nisin Vitin e Ri duke hedhur "Vallen e Danubit".
Dashuria e Diko Ilievit për muzikën i detyrohet muzikës folklorike nga Bullgaria e Veriut, e cila ishte e pranishme me bollëk në fëmijërinë e tij. Nuk kishte asnjë gëzim popullor në vendlindjen e tij pa praninë emuzikës frymore. Vetë Diko më vonë studioi në shkollën e Orkestrës Ushtarake për Muzikë Frymore të qytetit të Orhanie (sot Botevgrad, Bullgaria Perëndimore) dhe në moshën 14 vjeçare u nis në rrugët e luftës duke marrë pjesë në Ushtrinë e Parë Bullgare.
Në vitin 1917, gjatë Luftës së Parë Botërore, në llogore, Diko kompozoi vallen e tij të parë – të ashtuquajturën "Vallja e Iskërit" Regjistrimi që ju ofrojmë është nga fondi i BNR-së, ndërsa performanca është e Orkestrës Frymore të Shkollës së Lartë Ushtarake të Transportit "Todor Kableshkov", Sofje. Dirigjenti është Diko Iliev.
Më shumë për jetën dhe veprën e Diko Ilievit mund të mësoni në publikimin nga arkivi i Radio Bullgarisë: “Një kujtim për Diko Ilievin”.
Përgatiti në shqip: Vesella Mançeva
Sivjet më 6 janar, kur bie një nga festat më të ndritshme të krishtera – Epifania ose Dita e Bekimit të Ujit , shënojmë edhe 177 vjetorin e lindjes së poetit revolucionar Hristo Botev, sipas stilit të ri. Me këtë rast atmosfera në qytetin..
Më 6 janar, Kisha Ortodokse Bullgare kremton një nga festat më të mëdha të krishtera - Ditën e Jordanit, Pagëzimin e Zotit, Epifaninë, ose Theofaninë Kjo është dita kur Shën Joan Pagëzori pagëzon Zotin Jezu Krisht në lumin Jordan. Deri në shekullin IV..
Më 4 janar festojmë 147 vjet nga Çlirimi /1878/ i Sofjes nga sundimi osman, e cila më vonë u bë kryeqyteti i Bullgarisë. Betejat për Sofjen në kuadër të Luftës Ruso-Turke (1877-1878) filluan më 25 dhjetor 1877. Më 3 janar 1878 komandanti i qytetit,..
Vranësira të dendura
Pjesërisht me re
Vranësira