Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Nënpresidentja Jotova dhe bullgarët në Shkup vendosën lule para basorelievit të Levskit

Foto: BGNES

Nënpresidentja Ilijana Jotova duke u kthyer nga Kosova, ku ishte për një vizitë zyrtare, u takua me përfaqësues të bullgarëve maqedonas nga Maqedonia e Veriut. Në ndërtesën e Ambasadës bullgare në Shkup, ajo i falënderoi për guximin për të mbrojtur vetëdijen, traditat, gjuhën dhe historinë bullgare. Së bashku ata vendosën lule para basorelievit të Vasill Levskit para godinës së misionit diplomatik.

“Ju jeni pjesa thelbësore e kombit bullgar. Ju luani një rol jetik në përhapjen e kulturës, gjuhës dhe vlerave tona në Maqedoni. Ju keni mbështetjen tonë të palëkundur”, citoi BGNES fjalët e saj. Jotova i kushtoi vëmendje të veçantë incidentit të rëndë me të rrahurin Hristijan Pendikov. Ajo theksoi se “autoritetet në Sofje po monitorojnë nga afër hetimin e këtij rasti. Nuk është prania e pasaportës bullgare ajo që e bën njeriun, është vetëdija e tij dhe kushdo që ka vetëdije bullgare do të mbrohet”, theksoi Jotova. Të pranishmit brohoritën Pendikovin dhe familjen e tij, thekson botimi lokal “Vestimaks”.

“Qëllimi ynë i përbashkët është të ulim shkallët e tensionit, të luftojmë çdo ditë kundër të gjitha përpjekjeve për të diskriminuar bullgarët në vend, kundër gjuhës së tmerrshme të urrejtjes që po derdhet në Maqedoninë e Veriut ndaj Bullgarisë dhe popullit bullgar. Sido që të jenë veprimet e Maqedonisë së Veriut, çfarëdo propagande të ketë, ne nuk do të devijojmë nga marrëveshjet që kemi. Dhe nëse bullgarët nuk përfshihen në kushtetutën e vendit, nuk do të ketë asnjë pëllëmbë përparim në negociatat e Maqedonisë së Veriut për anëtarësim në Evropë. Nuk do të ketë konferencë ndërqeveritare, nuk do të ketë raport të Komisionit Evropian me të cilin do të fillojë negociatat reale”, tha Jotova pas takimit me ambasadorin bullgar Angell Angellov, transmetoi BTA.



Последвайте ни и в Google News Showcase, за да научите най-важното от деня!

Më shumë nga rubrika

 Aleksandër Nikolloski

Në Bullgari kërkojnë dorëheqjen e zëvendëskryeministrit maqedonas Aleksandër Nikollski

Lideri i GERB-it, Bojko Borisov, kërkoi dorëheqjen e zëvendëskryeministrit maqedonas Aleksandër Nikolloski për shkak të ofendimeve të tij ndaj Bullgarisë. "Ne do të bëjmë gjithçka që është e nevojshme që Partia Popullore Evropiane të dijë se çfarë..

botuar më 24-09-19 12.41.MD

Asnjë pajisje “Pager” nuk u dërgua përmes Bullgarisë për grupin "Hezbollah"

Në lidhje me publikimet mediatike se një kompani e regjistruar në Bullgari i dorëzoi organizatës libaneze "Hezbollah" dërgesa me pajisje “Pager”, që u shpërthyen në territorin e Libanit dhe Sirisë, Agjencia Shtetërore "Siguria Kombëtare" (DANS)..

botuar më 24-09-19 10.18.PD
Сградата на правителството в Скопие

Bullgarët maqedonas kërkuan mbështetje nga Bullgaria

Bullgarët e Maqedonisë së Veriut kanë nevojë për mbështetjen e Bullgarisë, thanë përfaqësues të komunitetit bullgar nga Prilepi, Struga, Manastiri dhe Kavadarci. Ata u dëgjuan në Komisionin parlamentar për politikat për bullgarët jashtë vendit,..

botuar më 24-09-19 9.30.PD