Ministri për Evropën i Mbretërisë së Bashkuar, Leo Dohërti, është duke bërë një vizitë në Sofje. Bullgaria dhe Britania e Madhe janë duke punuar për një marrëveshje partneriteti strategjik, njoftoi Ambasada Britanike në Sofje. “Vizita është një demonstrim solidariteti me Bullgarinë në përpjekjet e saj për të mbështetur Ukrainën, si dhe në punën tonë të përbashkët me partnerët ndërkombëtarë për të kërkuar përgjegjësi nga Rusia”, theksojnë nga ambasada. Leo Dohërti do të bisedojë me ministrin e jashtëm Nikollaj Millkov, ministrin e brendshëm Ivan Demerxhiev dhe ministrin e mbrojtjes Dimitër Stojanov. Ambasada shtoi se të dy vendet janë aleatë të ngushtë në NATO dhe Londra është e përkushtuar për forcimin e marrëdhënieve midis dy vendeve, përfshirë në fusha të tilla si siguria dhe tregtia.