Rusia është e gatshme për një armëpushim me Ukrainën në çdo kohë, por perspektiva është "joreale" dhe e papranueshme ndërsa Kievi dhe Perëndimi këmbëngulin për një humbje ushtarake të Kremlinit, tha ambasadori rus në Britaninë e Madhe Andrej Kelin në një intervistë për “The Times”.

Ofensiva pranverore, me të cilën po bënë kërcënime Moska, ka të ngjarë të ndodhë në javët e ardhshme kur moti të përmirësohet dhe terreni të bëhet më i fortë, tha Andrej Kelin. Ai pranoi se ka mbështetje thelbësore politike dhe ekonomike të Kinës për Moskën, por vuri në dukje se propozimet e Pekinit për një zgjidhje paqësore janë vetëm një kornizë, jo një plan i detajuar. Kelin këmbëngul se Kina nuk mund t'i diktojë kushte Rusisë dhe as nuk është i vetmi vend që ofron ndërmjetësim.