Këshilli për Shtetësinë pranë Ministrisë së Drejtësisë raporton për raste të reja të dokumenteve të paraqitura false, me të cilat kërkohet shtetësia bullgare me natyralizim, për shkak të origjinës bullgare. Dokumentet u gjetën gjatë këqyrjes së dosjeve në Ministrinë e Jashtme dhe në Institutin Kombëtar të Kriminalistikës. Aplikantët kanë dorëzuar personalisht aplikimet e tyre për natyralizim. Dokumentet e falsifikuara janë përdorur për të marrë nënshtetësinë bullgare në kushtet jashtëzakonisht të lehtësuara në kuadrin e Ligjit për Shtetësinë Bullgare, të parashikuara për personat me origjinë bullgare, sipas një raporti të ministrit të drejtësisë Krum Zarkov dërguar Prokurorisë. Brenda pesë ditëve ky është sinjali i dytë i ministrit për falsifikimin e dokumenteve për aplikimin për shtetësi.

• Sipas ministrit të drejtësisë, ndërmjetës po bllokojnë marrjen e shtetësisë