Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

GERB-SDS dhe PP-DB ranë dakord për qeverisje të përbashkët, por në mandatin e dytë

Foto: BGNES

Kandidatja për kryeministër e GERB-SDS, Maria Gabriel, i ktheu presidentit Rumen Radev mandatin e parë për të formuar një qeveri të paplotësuar me arsyetimin se nuk do të lejojë që pjesë e qeverisë  të jenë persona të caktuara përmes marrëveshjeve të pandershme. Para presidentit, Gabriel vuri në dukje se gjatë negociatave me forcat politike në 48 orët e fundit u bë e qartë se me arsye dhe kompromise reciproke do të kërkohet marrëveshje me grupin parlamentar të PP-DB kështu që Bullgaria të ketë një qeveri me parime, synime dhe përgjegjësi të qarta.

Gabriel theksoi gjithashtu se së bashku me akademikun Nikollaj Denkov - kandidat për kryeministër të PP-DB-së dhe drejtuesit e dy formacioneve, kanë një pikëpamje të qartë se mandati i dytë duhet të jetë kombëtar dhe të dyja forcat duhet të nxjerrin një kryeministër dhe një zëvendësministër me rotacion, me një program legjislativ dhe menaxhues si një bazë solide dhe me përgjegjësi të përcaktuara qartë.

Nga ana e tij, Rumen Radev falënderoi Maria Gabriel për përpjekjet e saj dhe theksoi se çdo mandat i mëpasshëm kërkon edhe më shumë kompromise dhe mbi të gjitha komunikim intensiv me shoqërinë.

Pak para kësaj, në Kuvendin Popullor, Maria Gabriel dhe Nikollaj Denkov mbajtën një konferencë, në të cilën u bë e qartë se është arritur një marrëveshje midis dy forcave të para politike për menaxhim të përbashkët në bazë të rotacionit. Si garanci se kjo qeveri do të punojë për të paktën 18 muaj me mbështetjen e forcës së parë politike, për 9 muajt e parë propozimi është që Nikollaj Denkov të jetë kryeministër dhe Maria Gabriel zëvendëskryeministre dhe ministre e punëve të jashtme. Në 9 muajt e ardhshëm kryeministri do të jetë kandidati i GERB-SDS, zëvendëskryeministër kandidati i PP-DB.

Pritet që në ditët në vijim presidenti Radev të dorëzojë mandatin e dytë hulumtues.




Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për 20 shtatorin 2024

Ditën e premte do të mbajë mot me vranësira, paradite në ultësira me mjegull. Në disa zona do të ketë reshje, në masivet jugperëndimore dhe në rajonet juglindore do të jenë intensive. Temperaturat minimale do të jenë ndërmjet 10° dhe 16°, në Sofje..

botuar më 24-09-19 7.35.MD

Fluksi i migracionit përgjatë kufijve të Bullgarisë u ul me 71%

Fluksi i migrantëve të paligjshëm përgjatë kufijve të Bullgarisë u ul me 71% në tetë muajt e parë të vitit 2024 krahasuar me të njëjtën periudhë të vitit 2023. Këto të dhëna i prezantoi drejtori i Policisë Kufitare, Anton Zllatanov, në një takim të..

botuar më 24-09-19 5.12.MD

Deputetët hodhën poshtë lehtësimin e kushteve për referendum

Kuvendi Popullor e hodhi poshtë propozimin e “Ka një popull të tillë” për lehtësimin e kushteve për mbajtjen e referendumeve me ndryshimet në Ligjin për pjesëmarrjen e drejtpërdrejtë të qytetarëve në pushtetin shtetëror dhe në vetëqeverisjen lokale...

botuar më 24-09-19 3.42.MD