Kuvendi Popullor votoi dhe miratoi Akademikun Nikollaj Denkov kryeministër. 132 votuan “pro”, “kundër” 69, pa të abstenuar. Denkov mori mbështetje nga GERB-SDS (një “kundër”), PP-DB dhe DPS.
Struktura e kabinetit PP-DB dhe GERB-SDS u mbështet gjithashtu nga 132 deputetë, 69 ishin kundër dhe nuk pati asnjë abstenim.
Anëtarët e sapozgjedhur të Këshillit të Ministrave bënë betimin.
“Urime të gjithë bullgarëve, tani kemi një qeveri të rregullt! Po i kthejmë fuqinë republikës parlamentare!”, tha Kuvendin Popullor bashkëkryetari i PP Kirill Petkov. Ai shprehu shpresën për një mandat të plotë 4-vjeçar të kabinetit “Denkov-Gabriel”.
Qeveria mes dy forcave të para është më e qëndrueshme, e mbështetur nga të tjerët, komentoi kreu i GERB-it Bojko Borisov në parlament, pas zgjedhjes së kabinetit të rregullt. Në lidhje me akuzat e presidentit Rumen Radev ndaj kabinetit të ri, ai tha se presidenti duhet të jetë bashkues.
Kryetarja e BSP-së, Kornelija Ninova e cilësoi si “të pamoralshme” marrëveshjen e arritur për një kabinet mes dy forcave të para politike dhe njoftoi se nuk do t’u japë atyre 100 ditë tolerancë.
Presidenti Rumen Radev raportoi se qeveria e tij e pestë e përkohshme u përballua me të gjitha sfidat e rënda gjatë administratës së tij.
Në Këshillin e Ministrave u mbajt ceremonia për dorëzimin simbolik të qeverisjes nga kabineti i kryeministrit në detyrë Gëllëb Donev në qeverinë e re të rregullt. “Kur e morëm pushtetin shteti ishte në pauzë. Po dorëzojmë një vend me sisteme që funksionojnë mirë”, tha Donev, duke shprehur shpresën për vazhdimësi. “Nuk ka asgjë më normale se sa që parlamenti bullgar të miratojë një qeveri të rregullt e cila të përmbushë detyrimet e saj sipas Kushtetutës”, tha nga ana e tij Denkov. Ai shprehu habinë për faktin se zëvendësministrat nga kabineti zyrtar janë të liruar nga pozitat e tyre me urdhër të nënshkruar nga kryeministri në detyrë Gëllëb Donev. Kjo nuk përputhet me dëshirën e deklaruar për vazhdimësi, theksoi Denkov.
Foto: BGNES, BTA
Duhet të jemi shumë të kujdesshëm që Bullgaria të mos përfshihet në konfliktet që po përshkallëzohen. Kështu deklaroi presidenti Rumen Radev për gazetarët në fshatin Dren, komuna e Radomirit, ku mori pjesë në shënimin e 35-vjetorit të krijimit të..
Shteti, të gjithë qytetarët bullgarë dhe biznesi janë të siguruar me karburant. Nuk priten asnjë lloj problemi me furnizimin me karburant në Bullgari, si për naftën, ashtu edhe për benzinën dhe propan-butanin. Këtë e konfirmoi në një konferencë për..
Nuk ka kërcënim të drejtpërdrejtë ushtarak për Bullgarinë si rezultat i sulmeve të SHBA-së në centralet bërthamore të Iranit. Kjo u deklarua nga Ministri i Mbrojtjes Atanas Zaprjanov në një konferencë për shtyp në Këshillin e Ministrave pas..
Projektraporti i Parlamentit Evropian mbi progresin e Republikës së Maqedonisë së Veriut në rrugën e saj drejt BE-së u miratua nga Komisioni i Punëve të..
Drejtori i Kopshtit Zoologjik të Sofjes, Dobromir Borisllavov, bëri thirrje për respektimin e ligjeve dhe për një qëndrim të përgjegjshëm ndaj natyrës së..
Për shkak të mungesës së reshjeve, niveli i ujit në liqenin e Rezervatit “Srebërna” është vetëm 15 centimetra, gjë që përbën një kërcënim serioz për..
Pjesërisht me re
Mot i kthjellët