Një takim tjetër të muzikës popullore bullgare me traditat muzikore të huaja - në këtë rast kubane – na ofron projekti i përbashkët “Përtej notave” i pianistit të nominuar për Grammy Roberto Fonseka dhe mbajtësve të Grammy për muzikën latine nga kori “Zëra të rinj bullgar”, me dirigjent Georgi Petkov. Pas premierës së suksesshme të projektit në Francë në festivalin Jazz In Marciac, publiku bullgar gjithashtu kishte mundësinë të dëgjojë se çfarë fshihet “Përtej notave” .
Projekti realizohet me mbështetjen e Fondit Kombëtar “Kultura”.
Interesi i Roberto Fonseka për folklorin bullgar filloi shumë kohë më parë - qysh në vitin 2008, kur pas koncertit të tij në sallën “Bëllgaria”, pianisti qëndroi për disa ditë në Sofje dhe u zhyt në mjedisin e tingujve të vendit tonë. I magjepsur nga ritmet e pabarabarta dhe shumëllojshmëria e traditave tona folklorike, që atëherë Roberto Fonseka vendosi të bëjë një projekt të përbashkët me një ansambël vokal bullgar. Disa vite më vonë, ai e gjeti partnerin më të përshtatshëm - korin “Zërat e rinj bullgarë”. Sipas dirigjentit Georgi Petkov, ky është kombinimi i parë i tillë i xhazit kuban dhe folklorit bullgar, i shndërruar në muzikë magjike.
Ju ofrojmë të bindeni në këtë duke dëgjuar “O moj vashë e bukur”, bazuar në këngën popullore bullgare me të njëjtin emër.
Redaktore: Diljana Traçeva
Përgatiti në shqip: Svetllana Dimitrova
Foto: Facebook / New Bulgarian Voices, EPA/BGNES
Në harmoni me motin jashtë, në fund të verës Severin Georgiev prezanton këngën e tij më të re "Do të bjerë shi". Kjo është kënga e dytë e Severinit, të cilin e njohim si pjesëmarrës në sezonin e fundit të “Zëri i Bullgarisë”. Kënga “Do të bjerë..
Nga grupi “Mary Boys Band” thonë se këtë vit vera do të zgjasë deri më 25 tetor - sepse koncerti i tyre tradicional, në të cilin këndojnë refrenin ikonik "Vera po shkon, vjeshta po vjen ", do të mbahet më 25 tetor në Sofje dhe do të shënojë fillimin e..
Grupi “Ostava” e ka bërë traditë që në fillim të shtatorit të festojë ditëlindjen me një koncert në “Majmunarnika” – një vend i njohur në qendër të Kopshtit të Borisit në Sofje. Këtë vit tradita vazhdon me një takim me publikun në datën 11..
Më 17 shtator Kisha Ortodokse Bullgare kremton dëshmoret e shenjta Sofia, Vjara, Nadezhda dhe Ljubov . Në këtë ditë shënojmë edhe festën e..
Sot vera hyn në dhomat e klasës, bashkë me buzëqeshjen e fëmijëve... Dita e parë e shkollës është gjithmonë një shkak emocioni - si për më të vegjlit që..